रौतहट, ४ साउन । रौतहटको मौलापुर नगरपालिका(५ बाट एक थान सिक्सर पेस्तोलसहित तीनजना पक्राउ परेका छन्। मौलापुरदेखि कलैया जाने सडकबाट भारतको मोतिहारीग्राम बिजबनी बिहार घर बताउने २४ वर्षीय देवेन्द्र यादवसहित तीनजनालाई आइतबार दिउँसो पक्राउ गरिएको प्रहरीले जनाएको छ।
जिल्ला प्रहरी कार्यालय रौतहट र ईलाका प्रहरी कार्यालय मौलापुरबाट खटिएको प्रहरीले बिआर ०५ एपी ४०१६ नम्बर र बिआर ०५ ई ६४३४ नम्बरको मोटसाइकल जाँच गर्दा मोटरसाइकल चालक देवेन्द्रलाई पेस्तोलसहित फेला पारेको प्रहरीले जनाएको छ। प्रहरीले उनीहरुमाथि आवश्यक अनुसन्धान गरिरहेको छ।
तपाईको प्रतिक्रिया