जनकपुरधाम । प्रदेश नं २ का प्रदेश प्रमुख हरिशंकर मिश्रले देवभूमि जनकपुरधामको पवित्र सरोवर गंगासागरमा गंगा पुजन गर्नु भएको छ ।
प्रदेश प्रमुख मिश्रले गंगासागरमा संचालित महागंगा आरतीमा सहभागी भई धरतीका देवी माता जानकी जी र जलका देवी माता गंगा जीको संयुक्त रुपमा विधि विधान अनुसार पुजा गर्नु भएको छ ।
सो अवसरमा उहाँले सेभ हिस्टोरिकल जनकपुरधामको अयोजनमा गंगासागरमा गत ८ वर्ष देखि संचालित दैनिक महागंगा आरतीले मिथिलाको संस्कृति र प्रकृति संरक्षण मा महत्वपूर्ण भूमिका निर्वाह गरिरहेको बताउनु भयो ।
उहाँले गंगासागर सफाई पश्चात गंगासागरमा सुरु गरिएको महागंगा आरतीले जनकपुरधामको उत्कृष्ट संस्कृति पहिचान देश विदेशमा स्थापित भइरहेको कुरामा जोड दिनुभयो ।
सो अवसरमा सेभ हिस्टोरिकल जनकपुरधाम का संस्थापक अध्यक्ष, जनकपुरधाम स्वच्छता अभियानका प्रणेता प्रदेश सांसद रामअशिष यादवले प्रदेश प्रमुख मिश्रलाई सम्मान गर्नु भएको छ ।
स्वच्छता अभियन्ताहरु हरिकान्त मिश्र, योगेन्द्र मण्डल, अजय महतो, इन्द्रजित राउत मेस्तर, रुद्र श्रेष्ठ सहितका अभियन्ताहरुले प्रदेश प्रमुख मिश्रलाई स्वागत गरेका थिए ।
तपाईको प्रतिक्रिया