जनकपुरधाम । नेपाली काँग्रेसका केन्द्रिय उपसभापति बिमलेन्द्र निधिले देशले काँग्रेसलाई खोजिरहेको भन्दै मधेशमा काँग्रेस नभए देशमा काँग्रेस हुन नसक्ने बताएका छन् ।
बुधबार धनुषा काँग्रेसको जिल्लास्तरीय भेलालाई सम्बोधन गर्दै उपसभापति निधिले देशले अगामी निर्वाचनमा काँग्रेसको बाटो हेरिरहेको बताए ।
काँग्रेसका शीर्ष नेता निधिले पार्टीका नेता र कार्यकर्ताहरूका बीच मतभेद भए पनि मनभेदको स्थिति नल्याउन आग्रह गर्दै केन्द्रिय सभापतिका लागि उम्मेदवारी दिएको जानकारी दिंदै पार्टीको १४ औं महाधिवेशनलाई सफल पार्न आग्रह समेत गरेका छन् ।
जनकपुर विमानस्थलमा उपसभापति निधिको स्वागतमा हजारौंको संख्यामा नेता कार्यकार्ताहरुको घुँइचो लागेको थियो ।
तपाईको प्रतिक्रिया