जनकपुरधाम । प्रदेश न.२ का आन्तरिक मामिला तथा सञ्चार मन्त्री भरतप्रसाद साहद्वारा श्री श्याम मरवाडी भोजनालयको उद्घाटन गरिएको छ ।
घटस्थापनाको दिन जनकपुरधाम उप महानगरपालिका वार्ड न.६ महाबिर चौक स्थित मरवाडी सेवा सदनमा एक कार्यक्रमका बीच श्री श्याम मारवाडी भोजनालयको उद्धघाटन गरिएको हो ।
जनकपुरुधाम जस्तो धार्मिक क्षेत्रमा श्री श्याम मारवाडी भोजनालयले मानव स्वास्थ्यलाई मध्यनजर गर्दै शान्त वातावरण सहितको शुद्ध शाकाहारी खाना पाइने होटल संचालनमा ल्याएको सरहानीय काम रहेको भन्दै मन्त्री साहले बधाई तथा शुभकामना समेत दिएका छन् ।
उक्त कार्यक्रमा मारवाडी होटलमा खानाको परिकारको रुपमा शाकहारी खाना, अर्गानिक र पञ्जाबी खानाका परिकारहरु उपलब्ध हुने बताइएको छ । एसीसहितका २० वटा टेबल भएको र ८० जनासम्म एकसाथ बस्न सक्ने ब्यबस्थासँगै पर्याप्त पार्किङ्गको व्यवस्थासमेत रहेको होटल व्यवस्थापनले जनाएको छ ।
ग्राहकहरुको सुविधा र मागलाई मध्यनजर गरी सेवा सुविधाहरु थप गर्दै जाने लक्ष्य रहेको मारवडी सेवा समितिका अध्यक्ष ललित बजाजले बताएका छन् ।
उक्त कार्यक्रममा सांसद रामअशिष यादव लगायत विभिन्न पार्टीका प्रतिनिधि, संघ संस्थाका प्रतिनिधि र बुद्धिजिबिको उपस्थिति रहेको थियो ।
तपाईको प्रतिक्रिया