जनकपुरधाम । हिन्दूहरुको महान चाड विजया दशमी, दिपावली तथा छठ पर्वलाई लक्षित गरी जनकपुरधाम उद्योग वाणिज्य संघले बिहीबारबाट सस्तो बजार संचालनमा ल्याएको छ ।
जनकपुरधामस्थित रामचोकमा रहेको गोपाल धर्मशालामा ग्राहाकहरुको सुविधालाई मध्यनजर गर्दै सस्तो बजार संचालनमा ल्याइएको हो ।
उक्त सस्तो बजारको उद्घाटन प्रदेश नं. २ का प्रदेश प्रमुख हरिशंकर मिश्रले गर्नु भएको थियो । प्रदेश प्रमुख मिश्रले दसैं तिहारलाई लक्षित गरी सस्तो बजार संचालनमा ल्याउँदा सेवाग्राहीले गुणस्तरीय सामान सुपथ मुल्यमा पाउने आसा व्यक्त गर्दै सस्तो बजार संचालन गरेकोमा उद्योग वाणिज्य संघ जनकपुरधामलाई उहाँले आभार समेत व्यक्त गर्नु भएको थियो ।
जनकपुरधाम उद्योग वाणिज्य संघले रहेक वर्ष सस्तो बजार संचालनमा ल्याउने गर्दछ । सस्तो बजारमा सुपथ मुल्यमा सामान पाउने हुँदा गाउँगाउँबाट उपभोक्ताहरु यहाँ खरिदका लागि आउने गरेको संघका अध्यक्ष जितेन्द्रकुमार महासेठले जानकारी दिनुभयो । उहाँले भन्नु भयो, ‘सस्तो र गुणस्तरीय सामन खरिद गर्न पाउँदा सस्तो बजारले विगत ४० वर्षदेखि निरन्तरता पाएरहेको छ, भन्नु भयो ।
गोपाल धर्मशालामा सस्तो बजारका लागि सयौं व्यापारीले स्टल बुक गरेको अध्यक्ष महासेठले बताउनु भयो । उहाँले, ‘सस्तो बजारमा विशेष गरी भान्सामा प्रयोग हुने समामान, कपडा, जुत्ताचप्पल, साबुन, सर्फ जस्ता दैनिक उपभोग्य वस्तुहरु पाइने गरेको’ बताउनु भयो ।
अध्यक्षले महासेठले,‘ चाड पर्वका बेला गुणस्तरहिन समान बजारमा आउने हुँदा उपभोक्ताले सस्तो र राम्रो सामान खरिद गर्न पाउन् भन्ने उदेश्यले यो बजार खोलिएको भन्दै छठसम्म बजार संचालमा हुने व्यहोरा जाकारी गराउनु भयो ।’
उक्त उद्घाटन समारोहमा जनकपुरधाम उपमहानगरपालिकाका मेयर लालकिशोर साह, धनुषा प्रमुख जिल्ला अधिकारी बन्धुप्रसाद बास्तोला, लोसपाका सांसद परमेश्वर साह, पूर्व मेयर बजरंग साह लगायतका उपस्थिति रहेको थियो ।
तपाईको प्रतिक्रिया