ऐतिहासिक मन्दिरमा दसैँको भूतमेला सुरु

जनकपुरधाक । महोत्तरी जिल्लाको औरही नगरपालिका – ७ स्थित एतिहासिक सोनासती महारानीको मन्दिरमा दसैँको अवसरमा भूतमेला लाग्ने गरेको छ ।

सोनासती महारानीको मन्दिर सोनामाई मन्दिरको नामले प्रचलित मन्दिरमा आइतबार विजया दशमी चतुर्थी तिथि देखि भूत मेला प्रारम्भ भएको हो ।

प्रत्येक वर्ष लाग्ने उक्त मेला दशमीसम्म चल्ने मेलामा दुष्टआत्मा पिडितलाई धामीले झारफुक गरी निको पर्ने जनविश्वास रहेको छ ।

सो अवसरमा मन्दिरलाई सिंगारिएको छ । घटस्थापनादेखि दशमीसम्म यहाँ मेला लाग्ने गर्छ । यस मेलामा भक्तजनहरुको घुँइचो लाग्ने गर्छ ।