धनुषाको ढल्केवरमा जनमत पार्टीका अध्यक्ष सिके राउतको पुतला दहन गरिएको छ ।
खानेपानी तथा ढल निकास व्यवस्था कार्यालय जनकपुरका निमित्त प्रमुख राजेश कुशवाहालाई जनमत पार्टीका कार्यकर्ताले अर्घनग्न गरी दुव्र्यवहार गरेकोविरुद्ध ढल्केवरमा सिके राउतको पुतला जलाइएको हो ।
शुक्रबार साँझ स्थानीय इन्जिनीयर, कुशवाहा समाज र पिछडावर्ग महासभा युवासंघका कार्यकर्ताले संयुक्त रुपमा राउतको पुतला जलाएका हुन् ।
पुतला जलाउनुअघि उनीहरुले सिके राउतको पुतला बोकेर सिके राउत मुर्दावाद, जनमत पार्टी मुर्दावाद र इन्जिनीयर राजेशलाई न्याय दे जस्ता नारा लगाउँदै ढल्केवरचौकको परिक्रमा गरेका थिए ।
पूर्वचौकबाट निकालिएको ¥याली ढल्केवर चौकको परिक्रमा गर्दै सहिद स्मार्क पार्क अगाडि पुगेर उनीहरुले राउतको पुतला जलाएका थिए ।
पुतला जलाउने क्रममा इलाका प्रहरी कार्यालय ढल्केवरबाट खटिएका प्रहरीले जल्दै गरेको पुतला नियन्त्रणमा लिएर आगो निभाएका थिए ।
तपाईको प्रतिक्रिया