जनकपुरधाम । हंसपुर नगरपालिकाले आफ्नो पालिका क्षेत्रका किसानलाई राहत दिने भएको छ ।
बेमौसमी वर्षाका कारण अन्नबालीमा क्षति भएका किसानलाई हंसपुर नगरपालिकाका नगर प्रमुख रामज्ञान मण्डलले राहत दिने घोषणा गरेको हुन् ।
हंसपुर नगरपालिका अन्तर्गतका अन्नबालीमा क्षति भएका किसानलाई राहत दिने मेयर मण्डले जानकारी दिएका छन् । उनले राहत दिनका लागी नगरपालिकाले सूचना समेत जारी गरेको बताएका छन् ।
अन्नबालीमा क्षति भएका किसानलाई ९ वटा वडाकै तीन दिन भित्र जग्गाको क्षेत्रफल, जग्गाधनीको लालपुर्जा सहितको कागजात, फोटो, लगायतका विवरण नगरपालिकामा उपलब्ध गराउन उनले आग्रह गरेका हुन् ।
कार्तिक १ र २ गते परेको अविरल वर्षाका कारण भएको बालीनालीको क्षतिप्रति हंसपुर नगरपालिकाको गम्भिर ध्यानाकर्षण भएको छ ।
विरल वर्षाले गर्दा किसानहरुलाई बालीनालीमा भारी क्षति भएको कुरालाई मध्यनजर गर्दै नगरपालिकाले किसानहरुलाई राहत दिने घोषण गरेपछि मेयर मण्डलको चौतर्फी प्रशंसा भइरहेको छ ।
उनले भने, ‘यसअघि कोरोना महामारीका कारण गरिएको लकडाउनका बेला पनि आफ्नो वडाका गरीब, विपन्न र असहायहरुका लागि बेलाबेलामा पालिकाले राहतसमेत वितरण गर्दै आएको थियो ।
तपाईको प्रतिक्रिया