जनकपुरधाम । विदेश नगरपालिका वडा नं. ६ मा नेपाल कम्युनिष्ट पार्टी (एमाले) को वडा अधिवेशन सम्पन्न भएको छ ।
शुक्रबार उक्त नगरपालिकाका नगर प्रमुख बेचन दासको प्रमुख आतिथ्यमा सो अधिवेशनको उद्घाटन भएको थियो ।
नगर प्रमुख दासले नगरवासीलाई सेवा गर्न २४ औं घण्टा तत्पर रहेको बताएका छन् । उनले भने,‘मेरो परिवारबाट एक वटा मत आएको छ भने यहाँका नगरवासीबाट पनि एउटा मत आएको छ, त्यसैले मेरो परिवार मेरालागि जतिको महत्वपूर्ण छन्, मेरा जनता पनि मेरा लागि त्यतिकै महत्वपूर्ण छन् । उनले भने,‘ आफुले संघर्षका बेला जुन आभावमा बाच्नु परेको थियो, त्यस्तो अभाव म मेरो जनतालाई हुन दिने छैन ।
सो नगरपालिकाको वडा नं. ६ को वडा अधिवेशनमा अध्यक्ष कालीचरण महतो, उपाध्यक्ष गोलका पासवान, सचिव शिवनारायण ठाकुर, उपसचिव चौखिला महरा लगायत ५१ सदस्यीय कमिटि गठन भएको छ ।
उक्त अधिवेशनमा पार्टीका अग्रज नेताकार्यकर्ताहरुले ‘हाम्रो मेयर, राम्रो मेयर’ विकास प्रेमी मेयर भन्दै नाराका साथ नगर प्रमुख दासलाई सम्बोधन गरेका थिए ।
उक्त कार्यक्रममा लोचन पासवानको अध्यक्षतामा विशिष्ट अतिथि लखन दास तथा राष्ट्रिय युवा संघका केन्द्रिय सदस्य नविन झा लगायत स्थानीयवासीहरुको उपस्थिति रहेको थियो ।
तपाईको प्रतिक्रिया