जनकपुरधाम । गृहमन्त्री खाँणले नागरिकता विधयेक छिटोभन्दा छिटो पास हुने बताएका छन् ।
प्रदेश २ को अस्थायी राजधानी जनकपुरधाम विमानस्थलमा पत्रकाहरुसँग कुरा गर्दै मन्त्री खाँणले एमालेका कारण नागरिकताजस्ता महत्वपूर्ण विधयेक पास गर्न कठिनाई भएको बताएका छन् ।
सदन अवरुद्ध हुँदा सरकारलाई काम गर्न असहज भएको भन्दै नियमित रुपमा सदन संचालन गर्न प्रतिपक्षी दलसँग आग्रह समेत गरेका हुन् ।
जनताको सुरक्षा सरकारको पहिलो प्राथमिकता रहेको बताउँदै सुरक्षा व्यवस्थालाई थप कडा बनाउनु पर्ने जानकारी समेत दिए ।
नेपाली कांग्रेस धनुषाले आयोजना गरेको कार्यकर्ता भेलामा सहभागी हुन गृहमन्त्री खाँण बिहान जनकपुरधाम आइपुगेका हुन् ।
मन्त्री खाँणको स्वागतमा विमानस्थलमा प्रदेश मन्त्री, धनुषाका प्रमुख जिल्ला अधिकारीको टोली, कांग्रेसका नेता कार्यकर्ताहरुको सैयौंको संख्यामा उपस्थिति रहेको थियो ।
तपाईको प्रतिक्रिया