नेकपा एकीकृत समाजवादी पार्टीका अध्यक्ष माधवकुमार नेपालले चुनावपछि नेकपा एमालेको हाल बेहाल हुने दावी गरेका छन् ।
बुधबार जनकपुरधाममा पार्टी प्रवेश तथा प्रदेश कार्यालयको उद्घाटन कार्यक्रममा सञ्चारकर्मीसँग कुराकानी गर्दै अध्यक्ष नेपालले केपी ओलीले सूर्यको धाक देखाएर केही हुन नसक्ने बताउनुभयो । नेपालले अहिले नेकपा ९एस०ले दुईवटा प्रदेशमा सरकार चलाईरहेको भन्दै सातमध्ये दुईवटा प्रदेश एकीकृत समाजवादीको जिम्मामा परेको र सूदुरपश्चिम प्रदेशमा पनि यो पार्टी प्रदेशसभामा सबैभन्दा ठुलो दलको रुपमा कायम रहेको दावी गर्नुभएका छन ।
फरक प्रसंगमा बोल्दै नेपालले, नागरिकता विधेयकमा देखिएको समस्या जति सक्दो समाधान हुने र सम्पूर्ण नेपालीले नागरिकताको हक पाउने बताउनुभयो । त्यस्तै, उँहाले जनकपुर जयनगर रेल सुचारु गर्न सक्दो पहल भईरहेको उल्लेख गर्नुभयो ।
नेपालले, प्रदेश २ को स्थायी राजधानी जनकपुरधामलाई बनाउनु नै न्यायोचित हुने धारणा व्यक्त गर्नुभयो भने नामको विषयमा सबैसंग सल्लाह गरेर टुंङो लगाउने बताउनुभयो ।
तपाईको प्रतिक्रिया