धनुषा : कलेजबाट ढल्केबर गइरहेकी छात्राको गाडीबाट खसेर मृत्यू

धनुषाको धारापानी बहुमुखी क्याम्पसमा अध्ययनरत एक छात्राको गाडी दुर्घटनामा मृत्यू भएको छ । मृत्यू हुनेमा धनुषाधाम नगरपालिका ७ भगवानपुरी १८ वर्षीया पूजाकुमारी साह हुन् ।

बुधबार बिहान कलेजबाट ढल्केबरतर्फ जानेक्रममा ना १ ज ७०४९ नम्बरको विङ्गरबाट खसेर उनको मृत्यू भएको इलाका प्रहरी कार्यालय ढल्केबरका प्रहरी निरीक्षश प्रदीप सुवेदीले जानकारी दिए । उनका अनुसार टाउकोमा गम्भीर चोट लागेका कारण उनको घटनास्थलमै मृत्यू भएको छ ।मृतक पूजा बीबीएस पहिलो वर्षमा अध्ययनरत थिइन् । उनको शव पोष्टमार्टमका लागि जनकपुरस्थित प्रादेशिक अस्पतालमा ल्याइएको जिल्ला प्रहरी कार्यालय धनुषाले जनाएको छ ।दुर्घटनापछि गाडी र चालकलाई इलाका प्रहरी कार्यालय ढल्केबरले नियन्त्रणमा लिएको जनाएको छ ।