फोहरमय बन्दै जनकपुरधाम, जताततै फोहर र दुर्गन्ध

जनकपुरधाम उप–महानगरपालिकाका कर्मचारीहरु आन्दोलनमा उत्रेपछि जनकपुरधाम अहिले फोहरमय बनेको छ । फोहरमयले गर्दा सुंगुरहरु खेल्ने र रमाउने स्थलको रुपमा परिणत भएको छ ।

सरसफाई कर्मचारीलाई जनकपुरधाम–४ का वडाध्यक्ष सुदर्शन सिंह र वडा सदस्य पंकज मण्डलले कुटपिट गरेपछि उनीहरु विगत ४ दिन देखि कार्यालयका सम्पूर्ण कामकाज ठप्प गरी आन्दोलनमा उत्रेका छन् । उप– महानगरका सरसफाईदेखि लिएर कार्यालयका सम्पूर्ण कर्मचारीहरु आन्दोलनमा उत्रेपछि कार्यालयको पनि सम्पूर्ण कामकारवाही ठप्प छ । गत मंगलवार वडा ३, ४ र ७ का वडाध्यक्ष तथा वडासदस्यहरुले नगरको सरसफाईलाई लिएर कार्यालयमा नारावाजी गर्नुका साथै मेयर लाल किशोर साहको कार्यकक्षमा तालावन्दी समेत गरेका थिए ।आइतवार सरसफाई कर्मचारीलाई दुव्र्यवहार गरेका वडाध्यक्ष सिंह र वडासदस्य मण्डलको बचाउमा उनीहरुले नारावाजी र तालावन्दी गरेको कर्मचारीहरुको आरोप छ । आइतवार वडाध्यक्ष सिंह र सदस्य मण्डलले दुव्र्यवहार गरेपछि सोमवार देखिनै कर्मचारीहरु आन्दोलन गर्ने योजना बनाई रहेको थाहा पाएपछि मंगलवार वडाध्यक्ष दिपेन्द्र साह, सुदर्शन सिंह, जानकी राम साह लगायतका वडासदस्यहरु आपूmहरु चोखो बन्नकालागि नारावाजी र तालावन्दी गरेको सरसफाई कर्मचारीहरु बताउँछन् । आपूmहरु गत बर्षको कोरोना कालदेखि यस बर्ष सम्म अहोरात्र उप– महानगरको सरसफाई तथा बर्षातको बेला पानी निकास सम्म गरेका छौं, जतिवेला राजनीतिकर्मीहरु आफ् ना बालबालिकाहरुसंग चाडपर्वको बेला रमाईरहेका हुन्छ त्यतिवेला मेयर हामीलाई काममा लगाएका हुन्छन । मेयर साहवले निर्धारित समय भन्दा बढी काम गर्दा भत्ता दिन्छु भनेका थिए तर, आज सम्म एक सुक्को नदिएको उनीहरु बताउँछन् ।

कर्मचारीहरुले प्रमुख जिल्ला अधिकारी बन्धुप्रसाद बास्तोलालाई बुझाएको ज्ञापनपत्रमा वडाध्यक्ष सुदर्शन सिंह, सदस्य पंकज ठाकुरलाई कारवाहीको समेत माग गरेको छ । माग पुरा नभएसम्म आपूmहरु काममा नफर्कने उनीहरु अडानमा छन् । नेपाल नगरपालिका कर्मचारी एशोसिएसन ईकाई समिति जनकपुरधाम उप– महानगरपालिकाका अध्यक्ष शरद लाभले शुक्रवार विज्ञप्ति जारी गर्दै आइतवारसम्म वडाध्यक्षहरुले आफ् नो गल्ती स्वीकार नगरे सम्म सशक्त आन्दोलनको स्वरुपमा परिवर्तन गर्न बाध्य हुने चेतावनी दिएका छन् साथै सेवाग्राहीमा पर्ने असुविधाको जिम्मेवारी समेत वडाध्यक्षहरुलाई लिनुपर्ने बताएका छन् । यता, उनीहरुको अडानका कारण जनकपुरधामको चोक चोकमा फोहर यत्रतत्र थुप्रिएको छ । कर्मचारीहरुको अडानले जनकपुरधाम दुर्गन्धित बन्दै गएको छ । यस्तो स्थितिमा पनि मेयर साह उदासीन बसेकोमा नगरबासीहरु प्रश्नहरु तेस्राइरहेका छन् । नगरप्रमुख कहाँ छन् ? नगरबासीको पीडा कसले बुझ्ने ? जनप्रतिनिधि उहाँकै मातहतको हो ? जनकपुरधाम उप– महानगर क्षेत्रको वर्तमान दुर्दशावाट निकास दिनकोलागि मेयर साहलाई अग्रसर भई लाग्नु पर्नेमा मौन बस्नु दुःखद दायित्वविहीनताको संकेत रहेको स्थानीयबासीको आरोप छ ।