प्रदेश नम्बर २ को विभिन्न स्थानीय तहमा कार्यरत MIS अपरेटर तथा फिल्ड सहायकहरुको छाता सँगठनको रुपमा प्रदेश समिति गठन भएको छ ।
शनिबार जनकपुरधाममा सम्पन्न वृहत बैठकबाट समितिको प्रदेश अध्यक्षमा धनुषाका सुनिल कुमार सिँह राजपुतलाई सर्वसहमतिले चयन गरिएको छ । आठ वटै जिल्लाको स्थानीय तहबाट आएका एमआईएस अपरेटर तथा फिल्ड सहायकहरुले प्रदेश समितिको अध्यक्षमा सिँहलाई सर्वसहमति दिएको हो ।
यस्तै समितिको उपाध्यक्षमा सप्तरीका अनिल कुमार यादवलाई चयन गरिएको छ । यादव पनि सर्वसहमतिले चयन भएको जनाइएको छ । समितिको अर्का उपाध्यक्षमा सिरहाका अरबिन्द कुमार महतो, बाराबाट राजीव यादवलाई चयन गरिएको हो । गठन भएको समितिको लागि ४ जना उपाध्यक्ष चयन गरिएको हो ।
यस्तै, महासचिवमा पर्सा जिल्लाबाट जीतेन्द्र यादव, सचिवमा रौतहतबाट विक्की बाबु प्रसाद जयसवाललाई चयन गरिएको हो । कोषाध्यक्षमा महोत्तरीबाट विकास कुमार गुप्तालाई चयन गरिएको जनाइएको छ । १७ सदस्यीय समितिको सदस्यहरुमा भूपेन्द्र यादव, रिँकु यादव, सुनिल कुमार यादव, श्रीनिवास यादव, गोपाल साह, आशिष साह, शिवानी सिँह, शिव कुमार महतो लगायतलाई चयन गरिएको हो ।
यस्तै, समितिको सल्लाहकार समितिमा सुशिल कुमार यादव, सुरज गिरी, जलेन्द्र पटेल, प्रविण कुमार शर्मा, सरोज चौलागाई, रबिन्द्र साह, मनोज राउत र उज्जवल विकलाई चयन गरिएको हो ।
बृहत बैठकबाट समितिको लागि तदर्थ समिति समेत गरिएको छ । सुशिल कुमार यादवको सँयोजकत्वमा ८ सदस्यीय तदर्थ समिति गठन गरिएको हो । सल्लाहकार समितिलाई नै तदर्थ समितिको मान्यता दिएर समिति गठन गरिएको धनुषा शहिदनगर नगरपालिकाका एमआईएस अपरेटर फिल्ड सहायक बिकेश कुमार यादवले जानकारी दिए ।
८ वटै जिल्लाबाट करिब १६० जनाको सहभागितामा वृहत बैकठ राखी प्रदेश समिति चयन गरिएको धनुषा लक्ष्मिनियाँ गाउँपालिकाका एमआईएस अपरेटर धीरज साहले जानकारी दिए ।
तपाईको प्रतिक्रिया