राष्ट्रपति विद्यादेवी भण्डारीले रेल्वे अध्यादेशसहित विभिन्न ६ वटा अध्यादेश जारी गरेकी छन् । उनले नेपालको संविधानको धारा ११४ को उपधारा (१) बमोजिम नेपाल सरकार मन्त्रिपरिषद्को सिफारिसमा अध्यादेशहरू जारी गरेकी हुन् ।
कानून र बजेटकै कारण जनकपुर- जयनगर रेल संचालन नभएको भन्दै सरकारविरूद्ध आन्दोलन सुरु भएपछि सरकार रेल्वे अध्यादेश ल्याइएको छ । मंगलबार जनकपुर रेल्वे स्टेशनको अनुगमन गरेकी भौतिक पूर्वाधार तथा यातायात मन्त्री रेणु यादवले रेल्वे अध्यादेश छिट्टै आउने बताएकी थिइन् ।
रेल्वे अध्यादेश आएपछि अब जनकपुर- जयनगर रेल संचालनमा ल्याउन बजेटको आवश्यकता परेको छ । मन्त्री यादवले बजेट पनि उपलब्ध गराउने अर्थ मन्त्रालयबाट आश्वासन पाएकाले यो आर्थिक वर्षभित्रै रेल संचालनमा आउने बताएकी छन् ।
राष्ट्रपति भण्डारीले नेपाल प्रहरी र प्रदेश प्रहरी कार्य सञ्चालन, सुपरीवेक्षण र समन्वय (पहिलो संशोधन) अध्यादेश, सामाजिक सुरक्षा (पहिलो संशोधन) अध्यादेश लगायतका अन्य ५ अध्यादेश पनि जारी गरेकी छन् ।
तपाईको प्रतिक्रिया