जनकपुरधाम । जनकपुरधाम उपमहानगरपालिकाको आयोजनामा विपद् पूर्वतयारी तथा प्रतिकार्य योजना तर्जुमा सम्बन्धी विषयगत क्षेत्र बैठक सम्पन्न भएको छ ।
धनुषा जिल्लाको जनकपुरधाम उपमहानगरपालिकास्थित आइतबार सो बैठक क्षेत्रगत समुह विभाजन गरी छलपल पश्चात सम्पन्न गरिएको हो ।
उक्त बैठक कार्यक्रमको बारेमा विपद् विज्ञ रामकुमार दाहालले प्रकाश पारेका थिए । विपद्का पूर्वतयारी तथा प्रकार्य योजना तर्जुमाका लागि उपस्थित सहभागीहरुमध्येबाट समुह बनाई सो समुहको छलफलबाट आएका सल्लाह सुझावलाई सबैले प्रस्तुत गरेका थिए । सोही सुझाव अनुरुप यस नगरका लागि डिपीआरपी तयार हुने विज्ञ आहालले जानकारी दिए ।
समुहगत छलफलमा ७ वटा कलस्टर छुट्याई त्यस कलस्टरमा आवश्यक विषयवस्तुलाई आधार मानेर डिपीआरपी तयार गर्ने बताइएको छ । कलस्टर अनुसार सम्बन्धित क्षेत्रका पदाधिकारीहरुको सहभागिता रहेको थियो ।
सुढृद र यूकेएडको सहआयोजनामा सम्पन्न भएको कार्यक्रमलाई जउमनपा १२ का वडा अध्यक्ष शत्रुधन यादवले अध्यक्षता गरेका थिए भने कार्यक्रममा विभिन्न क्षेत्रका पदाधिकारी लगायत आयोजक तथा सहआयोजक संस्थाका पदाधिकारीहरुको सहभागिता रहेको थयो ।
तपाईको प्रतिक्रिया