विश्व स्वास्थ्य संगठनद्वारा हरेक दिन जारी गर्ने कोरोना अपडेटका अनुसार दैनिक संक्रमण दर र मृत्यु दर घटबढ भइरहेकाे देखाएको छ । पछिल्लाे २४ घण्टामा दैनिक संक्रमितले उच्च रेकर्ड कायम गरेकाे छ ।
विश्व स्वास्थ्य संगठनले जारी गरेको गत २४ घण्टाको अपडेट अनुसार कोरोना भाइरस संक्रमणबाट एकैदिन ८ हजार ३९० जनाको मृत्यु भएको छ । पछिल्लो २४ घण्टामा विश्वभर कोरोना संक्रमणबाट ८ हजार ३९० को मृत्यु भएको हो। त्यस्तै, विगत २४ घण्टामा विश्वभर ३३ लाख २४ हजार २३७ जनामा कोरोना संक्रमण पुष्टि भएको विश्व स्वास्थ्य संगठनले जानकारी दिएको छ।
विश्व स्वास्थ्य संगठनको तथ्यांक अनुसार हालसम्म ३३ करोड ९० लाख २५ हजार ५५६ जनामा कोरोना संक्रमण भएको छ । त्यस्तै, २७ करोड २६ लाख ३४ हजार २५० जना कोरोना संक्रमणबाट मुक्त भएका छन्। विश्व स्वास्थ्य संगठनले उपलब्ध गराएको पछिल्लो तत्थ्यांक अनुसार ५५ लाख ८२ हजार ६२६ जनाको कोरोना संक्रमणबाट ज्यान गइसकेको छ।
नेपालमा हालसम्म कोरोना संक्रमणबाट ११ हजार ६२८ को ज्यान गएको छ । ४७ हजार ९२९ जना सक्रिय संक्रमित रहेका छन् भने ८ लाख ७७ हजार ७१७ जनामा संक्रमण भइसकेको छ । त्यस्तै, ८ लाख १८ हजार १६० जना संक्रमित निको भइसकेका छन् ।
तपाईको प्रतिक्रिया