छोराद्धारा बुवाको हत्या

दाङ, फागुन ५ । दाङमा एक छोराले आफ्नै बुवाको हत्या गरेका छन्। शान्तिनगर गाउँपालिका(३ बेलडाँडाका १९ वर्षीय गोपाल मगरले ६३ वर्षीय बुवा कर्णबहादुर मगरको घरमा तरकारी काट्ने चक्कुले घाँटी रेटी हत्या गरेको जिल्ला प्रहरी कार्यालय दाङले जनाएको छ।

बुधबार दिउँसो करिब १ बजेतिर गोपालले आफ्नै घरको आँगनमा बुवाको घाँटी रेटेर हत्या गरेका हुन्। प्रहरी चौकी चिराघाट र इलाका प्रहरी कार्यालय खिलतपुरबाट गएको प्रहरी टोलीले गोपाललाई नियन्त्रणमा लिई थप अनुसन्धान भइरहेको जिल्ला प्रहरी कार्यालय दाङले जनाएको छ।