कञ्चनपुर, फागुन ८ । कृष्णपुर नगरपालिका–१ वन्देवी मन्दिरबाट भालुको पित्त र यार्सागुम्बासहित ५७ वर्षीय बृख कामी पक्राउ परेका छन्।
सुदूरपश्चिम प्रदेश प्रहरी कार्यालय धनगढी र इलाका प्रहरी कार्यालय गुलरियाबाट खटिएको टोलीले उनलाई शनिवार साँझ नियन्त्रणमा लिएको जिल्ला प्रहरी कार्यालय कञ्चनपुरका प्रहरी निरीक्षक लालबहादुर बमले जानकारी दिए। उनको साथबाट भालुको पित्त ९२ ग्राम र यार्सागुम्बा ५२४ ग्राम बरामद गरिएको प्रहरीको भनाइ छ।
जुम्ला कन्काईसुन्दरी गाउँपालिका–६ का बृख कैलालीको गोदावरी नगरपालिका–२ अत्तरिया डेरा लिएर बस्दै आएको बलमे बताए। उनको डेराबाट ५०० ग्राम यार्सागुम्बा बरामद गरिएको प्रहरी निरीक्षक बमले बताए। बृखको डेराबाट उनलाई आवश्यक कारवाहीका लागि डिभिजन वन कार्यालय कञ्चनपुरमा पठाइने तयारी गरिएको छ।
तपाईको प्रतिक्रिया