जनकपुरधाम । चिकित्सकको लापर्बाहीको कारण सुत्केरी महिलाको पेटमा टांका लगाउने सुई फेला परेको छ ।
रौतहटको दुर्गाभगवती गाउँपालिका १ छतवनाटोलका जितेन्द्र महतोकी १९ वर्षिया श्रीमती अम्बिका महतोको अप्रेसनको क्रममा पेटभित्र टांका लगाउने दुईवटा सुइ र धागो चिकित्सकले छुटाएका छन् ।
प्रसुति गराउन अम्बिकालाई आइतबार राति गंगापिपरामा रहेको स्वास्थ्य केन्द्रमा लगिएको र अप्रेसन गर्दा सुई पेटमा छुटेको अम्बिकाका श्रीमान जितेन्द्र महतोले बताए ।
स्वास्थ्य केन्द्रका डा.संजित कुमार साह नेतृत्वको स्वास्थ्यकर्मीको टोलीले उनको अप्रेसन गरेको थियो । अप्रेसन गरेको केही समयपछि सुत्केरी महिलाको पेट दुख्नथालेपछि उनलाइ चन्द्रनिगाहपुरमा रहेको चन्द्रपुर अस्पतालमा ल्याइएको थियो ।
हाल महिलाको पेटमा रहेको सुई धागो निकालिएको र बिरामीको अवस्था सामान्य रहेको चन्द्रपुर अस्पताल प्रालिका प्रमुख डाक्टर सुभाष कुमार चौधरीले जानकारी दिए ।
तपाईको प्रतिक्रिया