जनकपुरधाम । जनकपुरधाम आएका माध्यमिकी परिक्रमा यात्रीहरुको सहजताका लागि जनता समाजवादी पार्टी (जसपा) नेपाल निकट समाजवादी युवा संघ र समाजवादी विद्यार्थी युनियन धनुषाले निःशुल्क स्वास्थ्य शिविर सञ्चालन गरेका छन् ।
१५ दिवसीय मध्यमा परिक्रमाका यात्रीहरु बिहीबार १४ औ दिन जनकपुरधाम आइपुगेका यात्रुहरुका लागि निः शुल्क स्वास्थ्य शिविरको व्यवस्था गरिएको हो ।
जनकपुरधामस्थित बाह्र बिघामा बास बसेका श्रद्धालु, भक्तजनहरुलाई मध्यजनजर गर्दै जसपा निकट संगठनले बाह्र बिघा मैदानको उत्तर पश्चिम कोण संकटमोचन मन्दिर नजिक निः शुल्क स्वास्थ्य शिविर सञ्चालन गरिएको जनाइएको छ ।
त्यहाँ सेवा लिन आउने सेवाग्राहीलाई निः शुल्क स्वास्थ्य जाँच तथा औषधि समेत वितरण गरिने बताइएको छ ।
उक्त शिविर बिहीबार र शुक्रबार दुई दिनसम्म सञ्चालन हुनेछ ।
सो शिविरमा मधेस प्रदेश समितिका उपाध्यक्ष शेषनारायण यादव, सदस्य तथा संसदीय दलका उपनेता रामअशिष यादव, प्रदेश सदस्य सुमितकुमार साह, नेपाल बौद्धिक पेशाकर्मी महासंघका केन्द्रिय उपाध्यक्ष जितेन्द्र यादव, जिल्ला उपाध्यक्ष अम्भुप्रसाद साह, जानकी हेल्थ केयर एण्ड टिचिङ्ग अस्पतालका प्रशासन प्रमुख राजेश यादव, समाजवादी युवा संघ केन्द्रिय सदस्य धिरु यादव, प्रदेश सदस्य सुरज महतो, धनुषा अध्यक्ष दिपेन्द्र कापरी, समाजवादी विद्यार्थी युनियन धनुषा उपाध्यक्ष सरोज यादव, सचिव बलिराम कापरी, आमिन राईन, बलराम यादव, संस्कार यादव, श्याम साह, आईसा यादव, रबिना मण्डल, रामभगत यादव, उमेश यादव, पुजा कापरी, आलोक कापरी, नवीन यादव लगायतको उपस्थिति रहेको थियो । उक्त उपस्थितिले शिविर सञ्चालनका सहकर्मीहरुलाई हौसला समेत प्रदान गरेका छ ।
तपाईको प्रतिक्रिया