जनकपुरधाम । लामो समयदेखि दुबै देशका प्रधानमन्त्रीले उद्घाटन गरेपछि मात्र रेल सञ्चालन हुने चर्चा भोली वास्तविकतामा परिणत हुदैछ ।
नेपालका प्रधानमन्त्री शेरबहादुर देउवा र भारतका प्रधानमन्त्री नरेन्द्र मोदीले भोली शनिबार संयुक्त रुपमा रेलसेवाको उद्घाटन गरेपछि आइतबारदेखि दैनिक रेल सञ्चानमा आउने छ ।
नेपालले रेल खरिद गरेदेखि रेल सञ्चालन कहिले हुने हो भन्ने चर्चाको विषयनै बनेको थियो । नेपालको एकमात्र रेल जयनगर – कुर्था रेलसेवा अन्तत सञ्चालनमा आउने भयो भन्दै स्थानीय हर्षित भएका छन् ।
नेपाल र भारतका प्रधानमन्त्रीले भोली शनिबार संयुक्त रुपमा रेलसेवाको उद्घाटन गरेपछि आइतबारदेखि यात्रुसहित दैनिक रुपमा रेल सञ्चालन हुने नेपाल रेल्वेका महाप्रबन्धक निरन्जन झाले जानकारी दिनुभयो । महाप्रबन्धक झाका अनुसार भारतको जयनगरस्थित स्टेशनमा रेल सेवाको उद्घाटन दुबै देशका प्रधानमन्त्रीले संयुक्त रुपमा भोली दिउँसो नेपाली समय १२ ९१२ः१५० बजे गर्नुहुनेछ । कुर्था स्टेशनसम्म आइपुग्दा बाटोमा पर्ने प्रत्येक स्टेशनमा रेल र रेलमा सवासर नेपाल र भारतका प्रतिनिधिलहरुले नेपाल र भारतको झण्डा देआएर स्वागत गर्ने कार्यक्रम रहेको छ । त्यस्ते कुर्थाबाट फर्केर पुनः जनकपुरधाम स्टेशनमा औपचारिक कार्यक्रम सञ्चालन हुने महाप्रबन्धक झाले बताउनुभयो ।
उद्घाटनका लागि कार्यक्रमस्थलमा ठूलठूला मोनिटर जडान गरिएका छन् । जनकपुरधाम स्टेशनमा त्यस्ता ठूला तीन सेट मोनिटर जडान गरिएको रेल्वे विभागका ईन्जिनियर रबिन्द्र साले जानकारी दिनुभयो । जनपुरधाम रेल्वे स्टेशनलाई तामझामका साथ सिंगारिएको छ ।
जयनगर – जनकपुर–कुर्था रेलसेवा सञ्चालन हुँदा मधेसको राजधानी जनकपुरधामको व्यापार तथा पर्यटन प्रवद्र्धनमा समेत सघाउ पुग्ने जनकपुर उद्योग वाणिज्य संघका अध्यक्ष जितेन्द्रकुमार महासेठले बताउनुभयो । चाँडो भन्दा चाँडो रेल सञ्चालन गर्नुपर्ने माग राख्दै संघले सम्बन्धित निकायमा ज्ञापनपत्रसमेत बुझाउँदै आएको प्रयास सफल भएको उआँ बताउनुहुन्छ । उहाँ भन्नुहुन्छ,‘अन्तत पखाएईको घडी सकिएको छ, रेल चढेर ओहोर दोहोर गर्ने स्थानीयवासीको इच्छा पुरा हुने भएको छ ।’
आइतबारदेखि दैनिक दुई पटक रेल चल्नेछ । जयनगरबाट बिहान ८ः३० र ३ बजे छु्ट्ने छ भने कुर्थाबाट १०ः३० र साँझ ५ः१५ बजे जयनगर फर्किने तालिका रहेको छ । जयनगरदेखि कुर्थासम्मको रेल भाडा साधारण सिटका लागि न्यूनतम २० देखि ७० रुपियाँसम्म र एसी रुमको न्यूनतम १ सयदेखि ३ सय ५० रुपैयासम्म शुल्क निर्धारण गरिएको छ ।
तपाईको प्रतिक्रिया