जनकपुरधाम । जनकपुरधाम उपमहानगरपालिका वडा नम्बर–७ का वडाध्यक्ष जानकीराम साहले ३० गते हुने स्थानीय तहको निर्वाचनमा नगर प्रमुखका लागि आफ्नो उम्मेदवारी घोषणा गरेका छन् ।
बिहीबार निर्वाचनका लागि जनकपुरधामका विभिन्न स्थानमा सम्पर्क कार्यालयको उद्घाटन गर्ने क्रममा अध्यक्ष साहले आगामी निर्वाचनका लागि प्रमुख पदमा उम्मेदवारी घोषणा गरेका हुन् ।
सम्पर्क कार्यालयको उद्घाटन गर्दै साहले नयाँ साल सँगसँगै नयाँ जोरजाँगरका साथ नजाकपुरधामको समग्र विकासका लागि आफ्नो उम्मेदवारी दिने बताएका छन् ।
अध्यक्ष साहले विगत पाँच वर्षमा आफ्नो वडा एउटा नमुना वडाको रुपमा स्थापित गर्न सफल भएको भन्दै आउने निर्वाचनमा नगरवासीको साथ सहयोग रह्यो नगर प्रमुख भई आउने पाँच वर्षमा जनकपुरधामलाई नयाँ नजकपुरधाममा परिणत गर्ने बताए । उनले,‘जनकपुरलाई स्मार्ट सिटि बनाउने सपना अधुरै रहेको जिकीर गर्दै आफू निर्वाचित भए भने त्यो सपना पनि पुरा हुने दावी समेत सगेका छन् ।
उनले नयाँ जनकपुरधाम बनाउनका लागि युवाको नेतृत्व आवश्यक रहेकोले आफूलाई यसपालि सहयोग गर्न सबैसँग आग्रहसमेत गरे ।
साहले विगत पाँच वर्षमा जनकपुरधामले खासै कुनै प्रगति गर्न नसकेको बताउँदै शिक्षा, स्वास्थ्य, भौतिक निर्माणलगायत अधिकांश क्षेत्रको अवस्था अझै पनि जर्जर रहेको दाबी गरे ।
एकै दिन पाँच स्थानमा सम्पर्क कार्यालयको उद्घाटन गर्दै अध्यक्ष साहले जनकपुरधामलाई नयाँ जनकपुरधाम बनाउने उदेश्यका साथ नगर प्रमुअ पदको दाबेदार आफू रहेको बताए ।
।
तपाईको प्रतिक्रिया