जनकपुरधाम । लोकतान्त्रिक समाजवादी पार्टी नेपालले लोहरपट्टी नगरपालिकाको मेयरमा नगर सभापति रामसुहाग यादव (मुखिया) लाई चयन गरेको छ ।
महोत्तरी जिल्लास्थित लोहरपट्टी नपामा लोसपा नेपालले शुक्रबार आधिकारिक रुपमा नगरसभापति यादवलाई मेयर पदको टिकट दिने निर्णय गरेको हो ।
लोहरपट्टी नपामा उनलाई उनको नामले भन्दा पनि मुखिया भनेर बढी सम्बोधन गर्ने गरेका छन् । लामे समयदेखि राजनीतिक जिवनमा लागेका मुखियाले २०४८ देखि ०५९ सालसम्म गाउँको मुखिया पद सम्हाल्दै आएका थिए । त्यसैले उनलाई मुखिया भनेर त्यहाँका जनताले सम्बेधन गर्ने गर्छन् ।
लोहरपट्टी नपा वडा नं. १ बगडा निवासी यादवा (मुखिया) ले गाउँमा पनि राम्रो छबी बनाएका छन् । गाउँको सम्मानित व्यक्ति र लामो समय राजनीति क्षेत्रमै बिताएका मुखियाको लोहरपट्टीमा राम्रो छवी भएका कारण लोसपाले मेयर पदका लागि उनलाई नै रोजेको उनका निकटले जानकारी दिएका छन् ।
तपाईको प्रतिक्रिया