जनकपुरधाम । जनकपुरधाम उपमहानगरमा गठबन्धनको तर्फबाट मेयरपदका प्रत्यासी जनता समाजवादी पार्टी नेपालका लालकिशोर साहलाई जिताउन गठबन्धन एकजुट भएको छ ।
नेपाली काँग्रेस मधेश प्रदेशका अध्यक्ष कृष्ण यादवको अध्यक्षतामा गएराति सम्पन्न पाँच दलिय गठबन्धनको बैठकले जनकपुरधाम उपमहानगरमा गठबन्धनको तर्फबाट मेयरपदका उम्मेदवार लालकिशोर साह तथा उपमेयर पदका उम्मेदवार किशोरी साहलाई जिताउन संयुक्त अभियान चलाउने निर्णय गरेको हो ।
बैठकले जनकपुरधाम उपमहानगरमा गठबन्धनबाट बागी उम्मेदवारी दिएकाहरुलाई निष्कृय हुन आग्रह गरिने निर्णय लिर्दै आग्रहलाई स्वीकार नगरे कडा कदम चाल्ने निर्णय समेत गरेको हो । संगै गठबन्धनले आफ्ना नेता कार्यकर्तालाई गठबन्धनका उम्मेदवारको मत मात्र माग्ने ह्वीप समेत जारी गर्ने भएको छ ।
जनकपुरधाम उपमहानरमा संयुक्त प्रचार अभियान संचालन गर्न जसपा नगर अध्यक्ष विष्णुदेव साह, नेपाली काँग्रेसका धनुषा उपसभापति गणेश झा, नेकपा एसका नगर अध्यक्ष प्रमोद साह , जसपा नेता जितेन्द्र कुमार यादव, नेपाली काँग्रेसका नेता जितेन्द्र प्रसाद साह, नेकपा एसका इन्चार्ज सुरेन्द्र राई सम्मलित समिति समेत गठन गरेको छ ।
बैठकले गठबन्धनका उम्मेदवारहरुको पक्षमा यही बैशाख २४ गते केन्द्रिय नेताहरुको उपस्थितिमा वृहत आम सभागर्ने निर्णय समेत गरेको छ ।
नेपाली काँग्रेस मधेश प्रदेशका अध्यक्ष कृष्ण यादवको अध्यक्षतामा भएको उक्त बैठकमा जनता समाजवादी पार्टी नेपालका मधेश प्रदेश अध्यक्ष रामबाबु कुमार यादव, नेकपा एसका केन्द्रिय स्थायी कमिटी सदस्य शत्रुधन महतो, जसपाका केन्द्रिय सदस्य एवं मेयर प्रत्याशी लालकिशोर साह, नेकपा एसका केन्द्रिय सदस्य श्रीप्रसाद साह, जसपा मधेश प्रदेशका उपाध्यक्ष शेष नारायण यादव, नेकपा एसका केन्द्रिय निर्वाचन समिति सदस्य बासुदेव प्रसाद साह, जसपा केन्द्रिय निर्वाचन समिति सदस्य जितेन्द्र यादव, नेपाली काँग्रेस धनुषाका अध्यक्ष योगेन्द्र पजियार, उपमेयरका प्रत्यासी किशोरी साह सहितको उपस्थिति रहेको थियो ।
बैठकले शीर्ष नेताहरुको सहभागिता रहने गरि प्रचारप्रसार समिति समेत गठन गर्ने निर्णय गरेको छ
तपाईको प्रतिक्रिया