जनकपुरधाम । स्थानीय तहको निर्वाचनका लागि निर्वाचन आयोगले आचारसंहिता २०७८ जारी गर्दै लागु गरेपनि पालना भने हुन सकेको छैन ।
मधेस प्रदेशको धनुषा जिल्लास्थित जनकपुरधाम उपमहानगरपालिकादेखि छेउछाउका अन्य स्थानीय तहमा आचारसंहिता विपरीत चुनावी प्रचार प्रसार भइरहेको देख्न सकिन्छ ।
निर्वाचन आचारसंहिता बारे जानकारी नभएको पक्कै कोही नहोला तर पनि जनकपुरधाममा राजनीतिक दल तर्फका उम्मेदवार एवं स्वतन्त्र उम्मेदवारहरुले आचारसंहिता विपरीत भारतीय गाडीको प्रयोग गर्ने, चर्को स्वरमा प्रचारका गीत बजाउने, पर्चा पम्प्लेट जथाभावी टाँस्ने, पार्टी तथा चुनाव चिन्हका झण्डाहरु जथाभावि झुन्ड्याउने, कतिपय स्थानमा चुनावी प्रचारमा बालबालिकाको समेत प्रयोग भएको देखिएको छ ।
एकातिर प्रहरी प्रशासनले आचारसंहिता विपरी लगाइएका झण्डा तथा पम्प्लेट निकाल्दै जान्छन् भने अर्को तिर उम्मेदवारहरुले पुनः लगाउँदै जान्छन ।
यस्ता अचारसंहिता विपरीत भएका क्रियाकलापको कारवाही कसले गर्ने र कहिले हुने ? आम जनताका प्रश्नहरु छन् ।
तपाईको प्रतिक्रिया