मधेसको राजधानी जनकपुरधाममा त्रिपक्षीय प्रतिस्पर्धा

जनकपुरधाम । स्थानीय तह निर्वाचनको ४ दिन मात्रै बाँकी छ । चुनावी प्रचार प्रसार पनि अब समाप्त हुनेछ । चुनावी प्रचार प्रसार समाप्त हुनै लागेको समयमा स्थानीय तह निर्वाचनमा सबैभन्दा बढी मधेश प्रदेशमा जनकपुरधाम उपमहानगरपालिकामै केन्द्रित हुनेछ । जहाँ त्रीपक्षिय प्रतिस्पर्धा हुने सम्भावना देखिएको छ ।
जनकपुरधाम उप–महानगरको विगत स्वतन्त्र उम्मेदवारले जित हाँसिल गरेको इतिहास छ । यस्तो स्थितिमा फेरी पनि जनकपुरधाम उपमहानगरपालिकामा स्वतन्त्र उम्मेदवारहरुको पक्ष बलियो रहने सम्भावना देखिन्छ । स्वतन्त्र उम्मेदवार बलराम महतो, नेकपा एमालेका उम्मेदवार शिवशंकर साह (हिरा) र स्वतन्त्र उम्मेदवार मनोज साह बीच कडा प्रतिस्पर्धा हुने आँकलन गरिएको छ ।
समाजसेवामा राम्रै छवि बनाएका बलराम महतो एकाएक राजनीतिमा आएपछि उनको भौतिक पूर्वाधारको कार्यक्षमतालाई लिएर जनकपुरधामवासीमा उनी प्रति आशाको किरण पलाएको छ । उनको घरदैलो कार्यक्रम देखि शक्ति प्रदर्शमा समेत आम नागरिकको व्यापक सहभागिता र क्रेजले यसको सहजै अनुमान लगाउन सकिन्छ एक स्थानीयले बताए ।
महतो लामो समय देखि भौतिक पूर्वाधारको क्षेत्रमा धरहरा जस्तो देशको गौरवको पूर्वाधार निर्माणपछि देशभरी उनको चर्चा भएको थियो । जनकपुरधामको धार्मिक, प्राकृतिक तथा सांस्कृति सम्पदाको महत्व जोगाउन अग्रणी भुमिका निर्वाह गरेका महतोलाई जनकपुरधामवासीले यस पटक निर्वाचनमा मत दिएर जिताउने सम्भावना प्रबल रहेको एक स्थानीयले बताए । उनले भने, ‘बलराम महतो राजनीति भन्दा पृथक मानिस हुनुहुन्छ, उहाँमा जनकपुर बनाउने दृढ संकल्प देखे, त्यही भएर उहाँको समर्थनमा आएँ ।’ सबैले मेरो पार्टी यस्तो, मेरो पार्टी उस्तो भनेर, जनकपुरधामलाई यो गरि दिन्छु, त्यो गरिदिन्छु भनेर भन्छन् तर पाँच वर्षको अवधिमा कसले के ग¥यो भनेर हेरिसके अब पालो स्वतन्त्र उम्मेदवारको हो । ती स्थानीयले भने ।’
साथै स्थानीय तहको चुनावी मैदानमा हामीएका एमालेका उम्मेदवार शिवशंकर साह हिरा, लोकतन्त्रिक समाजवादी पार्टी नेपालका मनोज चौधरीको, अर्का स्वतन्त्र उम्मेदवार मनोजकुमार साहको सम्भावनालाई समेत नकार्न सकिदैन ।
हिरा साह जनकपुर उद्योग वाणिज्य संघ, मधेश प्रदेश वाणिज्य महासंघमा आफ्नो कुशल नेतृत्व देखाई सकेका हिरासंग जनकपुरधामको व्यापारीहरुका साथै उनको व्यक्तिगत छविका कारण जनकपुरधामको स्थानीयले समेत उनलाई रुचाउने गरेका छन् ।
लोसपाका मनोज चौधरी पनि चुनावमा अहोरात्र स्थानीयसँग सम्पर्क गर्दै घरदैलो कार्यक्रमलाई तिब्रता दिएका छन् । विगतको दिनमा उनले गरेको सामाजिक कार्यको चर्चा अझै हुने गरेको छ
त्यस्तै काँग्रेसबाट जनपुरधामप्रमुख पदका उम्मेदवार हुने प्रबल सम्भावना बोकेका मनोज साहले टिकट नपाएपछि राजिनामा दिएर स्तन्त्र उम्मेदवारी दिएका साहसँग पनि काँग्रेसीहरुको मतको सम्भावना देखिन्छ ।
यस्तो स्थितिमा पाँच दलिय गठबन्धनको उम्मेदवारले पनि आफ्नो स्थान कायम राखेका छन् । दुई जना स्वतन्त्र उम्मेदवार र दुई जना पार्टीगत उम्मेदवार लोसपा र एमालेका र गठबन्धनका गरी पाँच जना उम्मेदवारको अग्रता देखिएको छ ।
जनकपुरधाममा स्वतन्त्र प्रमुख पदका उम्मेदवार २६ जना र पार्टीगत महिला पुरुष गरी १२ जना उम्मेदवार रहेका छन् ।