जनकपुरधाम । डा. सीके राउत नेतृत्वको जनमत पार्टीले मधेशमा एउटा स्थानीय तहमा जित हाँसिल गरेको छ ।

सप्तरीको हनुमाननगर कंकालिनी नगरपालिकामा जनता समाजवादी पार्टीका उम्मेदवार निवर्तमान मेयर शैलेशकुमार साहलाई छापराजित गर्दै जनमत पार्टीका उम्मेदवार विरेन्द्र माझी विजयी भएका हुन् ।

उनले २३९ मतान्तरले मधेश प्रदेशका समाजिक विकासमन्त्री नवलकिशोर साहका छोरा शैलेश कुमार साहलाई पराजित गरेका हुन् ।

मेयरमा विजयी हुने माझीले ६ हजार ४०७ मत प्राप्त गरेका छन् भने उनका निकटतम प्रतिद्वन्द्वी साहले ६ हजार २४६ मत प्राप्त गरेका छन् ।

यो जनमत पार्टीले जितेको पहिलो स्थानीय तह हो ।

उपमेयरमा भने जसपाकै सरिता देवी यादव विजयी भएकी छन् । उनले ६ हजार ५१२ मत पाएकी छिन् भने उनका निकटतम प्रतिद्वन्द्वी जनमत पार्टीकी रेखादेवी मण्डलले ५ हजार ९८२ मत पाएकी छन् ।