जनकपुरधाम । राष्ट्रियसभाबाट ‘रेल्वे विधेयक, २०७९’ सर्वसम्मतले पारित भएको छ ।
नेपालको एकमात्र रेल सञ्चालनका लागि प्रस्तावित कानून शुक्रबार राष्ट्रिय स ‘रेल्वे विधेयक, २०७९’ सर्वसम्मतले पारित भएको हो ।
राष्ट्रियसभाको बैठकमा भौतिक पूर्वाधार तथा यातायात मन्त्री रेणुकुमारी यादवले प्रस्तुत गरेकी सो विधेयक पारित गरियोस् भन्ने प्रस्ताव सर्वसम्मतिबाट पारित भएको छ । रेल सञ्चालनमा आएको तीन महिना हुन लाग्दा पनि कानून बनेको थिएन् । नेकपा एमालेका अध्यक्ष केपी शर्मा ओलीको सरकारले रेल सञ्चालनका लागि हत्तारमा अध्यादेश ल्याएका पनि संसदबाट पारित हुन सकेको थिएन । रेल पनि सञ्चालनमा आएन ।
नेपाली कांग्रेसका सभापति शेरबहादुर देउवाको सरकार बनेको वर्ष दिन नपुग्दै अध्यादेशबाट रेल सञ्चालन भयो । संघीय सरकारका भौतिक पूर्वाधार तथा यातायात मन्त्री रेणु यादवको सक्रियतामा रेल सम्बन्धी कानून बनेको छ । प्रतिनिधि सभा र राष्ट्रिय सभाबाट पारित भइसकेको रेल विधेयक राष्ट्रपति विद्यादेवी भण्डारीबाट प्रमाणीकरण भए लगतै कार्यान्वयनमा आउने छ ।
गत वर्षको चैत २० गते नेपालका प्रधानमन्त्री शेरबहादुर देउवा र भारतका प्रधानमन्त्री नरेन्द्र मोदीले नयाँदिल्लीबाट संयुक्त रुपमा रेल सञ्चालनको शुभारम्भ गरेका थिए । भारतको जयनगर–जनकपुरधाम–कुर्था सम्मको ३५ किलोमिटर दूरीमा रेल विहान र साँझ गरी दुई पटक सेवा दिइरहेको छ । एक समय अझ थप्न चर्को दवाव रहेको छ । विगतमा पनि रेल तीन समय चल्ने गरेको थियो तर, सेवा थप गर्न एक सेट रेल अझै खरिद गर्नुपर्ने महाप्रबन्धक निरञ्जन झा बताउँछन् ।
तपाईको प्रतिक्रिया