कलैया । मुख्यमन्त्री लालबाबु राउतले पत्रकारिता पेशालाई स्वतन्त्र र निष्पक्ष बनाउनु पर्नेमा जोड दिएको बताका छन् ।
नेपाल इन्स्टिच्युट अफ मास कम्युनिकेशन प्राली द्वारा आयोजित मधेश प्रदेश मिडिया अवार्ड कार्यक्रममा प्रमुख अतिथिको आसनबाट बोल्दै मुख्यमन्त्री राउतले पत्रकारिता क्षेत्रमा बढ्दै गएको नियोजित र प्रयोजित पत्रकारिताले समाज दृगभ्रमित हुँदै गएकोले पत्रकारिता पेशालाई स्वतन्त्र र निष्पक्ष बनाउनु पर्नेमा जोड दिएका हुन् ।
तथ्य र विषयलाई वंग्याएर समाचार सम्प्रेषण गर्ने प्रवृतिले काम गर्न चाहनेहरु हतोत्साहित हुने समस्या देखिएकोले सकारात्मक कुराहरुलाई समेत स्थान दिन संचारकर्मीहरुसंग आग्रह समेत गरे ।
मधेश सरकार प्रदेश भरिकै संचारमाध्यम तथा संचारकर्मीहरुको संस्थागत विकासका लागि मिडिया काउन्सिल र आमसंचार प्राधिकरणको स्थापना गरेर काम अघि बढाई सकेको बताउदै मुख्यमन्त्री राउतले चालु आर्थिक वर्ष देखी मधेश प्रदेशका संचार माध्यम एवं संचारकर्मीहरुले सुविधा प्राप्त गर्ने बताउए । संचारकर्मीहरुको स्वास्थ्य विमा सरकारले शुरु गरि सकेको जानकारी पनि दिए ।
नेपाल इन्स्टिच्युट अफ मास कम्युनिकेशन प्रालीका अध्यक्ष आनन्द शर्माको अध्यक्षतामा भएको उक्त कार्यक्रममा मधेश सरकारका अर्थ राज्यमन्त्री उषा यादव, नेपाल सरकारका पूर्व गृह राज्यमन्त्री रिजवान अन्सारी, प्रदेश सभा सदस्य पारस साह सहितका वक्ताहरुले शुभकामना मन्तव्य राखेका थिए ।
कार्यक्रममा २० विद्यामा मधेश प्रदेशका विभिन्न संचारमाध्यम एवं संचारकर्मीहरुलाई अवार्ड प्रदान गरिएको थियो ।
तपाईको प्रतिक्रिया