जनकपुरधामबाट स्रोत नखुलेको नगद रकमसहित एकजना भारतीय नागरिक पक्राउ परेका छन् ।
जनकपुरधाम उपमहानगरपालिका वडा नं. १२ स्थित कुवाँबाट जनकपुर तर्फ आउँदै गरेको अवस्थामा नेपाली रुपियाँ २३ लाख ८९ अजार ४८० सहित १९ वर्षीया भारतीय नागरिक अब्दुल समीलाई धनुषा प्रहरीले पक्राउ गरेको हो ।
भारतस्थित मधुबनी जिल्ला ग्राम पंचायत हरलाखी हरिने वार्ड न.९ का बासिन्दा अब्दुल समीलाई खान तलासी गर्दा स्रोत नखुलेको सो रकम फेला परेको प्रहरीले जनाएको छ ।
सोमबार जनकपुरधाम वडा नं. १२ स्थित लोहनबाट जनकपुरतर्फ जाँदै गरेको द्यच्घद्दब्व्ण्ज्ञठण् नम्बर प्लेटको भारतीय मोटर साइकल सवार अब्दुल समीलाई खानतलासी गर्दा स्रोत नखुलेको सो नेपाली रुपियाँ फेला परेको धनुषा प्रहरीले जनाएको छ ।
धनुषाको हनुमाननगर प्रहरी चौकीबाट खटिएको टोलीले स्रोत नखुलेको नगदसहित अब्दुललाई पक्राउ गरेको थियो । पक्राउ परेका अब्दुल समीलाई थप अनुसन्धानका लागि धनुषा प्रहरी कार्यालयमा नियन्त्रण गरी राखिएको छ ।
तपाईको प्रतिक्रिया