जनकपुरधाम । तिन बुँदै मांगसहित विगत १५ दिनदेखि रिले अनशनमा बसेका चुरे तथा वन जंगल संरक्षण अभियानी तथा सुकुम्बासीहरुले थप बिरोधका कार्यक्रम गर्ने सार्वजनिक गरेका छन् ।
विगतका दिनमा आफ्ना मांगहरु पूरा गर्न जनकपुरधाममा लालटेन जुलुश, झाडु जुलुस, मुख्यमन्त्री कार्यालय अगाडि सुतेर प्रदर्शन, आमरण अनशन लगायतका कार्यक्रमहरु गरेता पनि सरकारले आफूहरुको मांग प्रति कुनै चासो नलिएको भन्दै अभियानका संयोजक सुनिल यादवले थप आन्दोलनका कार्यक्रमहरु सार्वजनिक गरेका छन् ।
थप आन्दोलनका कार्यक्रम अन्तर्गत सुकुम्बासीहरुले साउन २० गते शुक्रबार चुडी आन्दोलन गर्ने भएका छन । पटक पटक आन्दोलन गरेपनि मन्त्रालयबाट मन्त्रीहरु बाहिर नआएको भन्दै मन्त्रीहरुलाई चुडी, साडी, ब्लाउज र पेटिकोेट प्रदान गर्ने र सो लगाएर मन्त्रालय भित्रै बस्न आग्रह गर्ने आशयका साथ चुडी आन्दोलनको घोषणा गरिएको संयोजक यादवले बताए । साथै साउन २२ गते बच्चा
आन्दोलनको घोषणा समेत गरेका छन् । बच्चा आन्दोलनमा आन्दोलनकारीहरुले आफ्ना बच्चालाई साथमा राखि अन्दोलन गर्ने जनाएका छन् ।
भुमिहिन सुकुम्वासीहरु घर विहिन रहेको र उनीहरुका बालबच्चाको भविष्य अन्धकारमा रहेको सरकारले वुझेपनि अबुझ बनेकाले मुख्यमन्त्री कार्यालय अगाडी बच्चाहरुलाई राखेर प्रर्दशन गर्ने संयोजक यादवले वताए । यी दुबै दिनको बिरोध आन्दोलन पश्चात पनि सरकारले कुनै चाँसो नदेखाए मधेश आन्दोलन भन्दा ठुलो र अन्तिम आन्दोलन हुने चेतावनी समेत संंयोजक यादवले दिएका छन् ।
तपाईको प्रतिक्रिया