जनमत पार्टीबाट धनुषाको ३(क)बाट प्रदेशसभामा उम्मेदवारी दिएका डा. प्रसन्न झाले यस क्षेत्रको विकासका लागि प्रदेश सरकारले केही गर्न नसकेको गुनासो गरेका छन् । यस क्षेत्रमा देखिएको दुरावस्थाको जिम्मेवारी सत्ताधारी दलका नेताहरुले लिनुपर्ने उनले बताए । मत लिएर सरकारमा बस्ने तर क्षेत्रको विकासको साटो भ्रष्टाचारमा लिप्त नेताहरु नै क्षेत्रको दुरावस्थाका लागि जिम्मेवार हुन् ।
जनकपुरधाम–२० को रूपैठा र देवपुरामा शुभकामना आदानप्रदान एबम सम्पर्क कार्यालय उद्घाटनका लागि पुगेका उम्मेदवार झाले सत्ताधारी दलका नेताहरु जनताको मत लिएर जनतालाई नै वेवास्ता गर्दै आएकोमा आक्रोश व्यक्त गरेका थिए । अब त्यस्ता नेताहरुलाई जनताले मतपत्रको माध्यमले जवाब दिने बेला आएको उनको भनाई थियो । यो क्षेत्रको दुरावस्था देखेर नै आफू चिकित्सक हुँदाहुँदै चुनावी मैदानमा उतरिनु परेको उनले बताए ।
तपाईको प्रतिक्रिया