धनुषा निर्वाचन क्षेत्र नम्बर ३(क)को प्रदेशसभाका उम्मेदवार डा. प्रसन्नकुमार झाले मतदाताहरुलाई भेट्दै यस क्षेत्रको स्वास्थ्य सेवालाई प्रभावकारी बनाउने प्रतिवद्धता व्यक्त गरेका छन् । देशकै सुगम प्रदेश रहेपनि स्वास्थ्य क्षेत्रमा सबैभन्दा कमजोर अवस्था मधेश प्रदेशकै रहेकाले यस क्षेत्रको स्वास्थ्य सेवालाई प्रभावकारी बनाउने प्रतिवद्धता व्यक्त गरेका हुन् ।
उनले भने, ‘गुणस्तरीय स्वास्थ्य सेवा आजको आवश्यकता हो । यसलाई पूरा गर्न हरेक वडामा एमबीबीएस डाक्टर सहितको उपचार सेवा उपलब्ध गराउनु आवश्यक छ । उपचारका लागि जनकपुर नै धाउनु पर्दैन ।’ उनले वडामा अझै पनि सर्वसुलभ उपचार गर्ने स्वास्थ्य संस्था नरहेको भन्दै सांसदमा जिते पछि हरेक वडामा स्वास्थ्य सेवालाई प्रभावकारी बनाउने तर्फ ध्यान दिने उनको भनाई थियो ।
उनले स्वास्थ्य संस्थाका साथै विद्यालयहरुको स्तरोन्नतिका लागि समेत पहल गर्ने प्रतिवद्धता व्यक्त गरे । जनमत पार्टीका उम्मेदवार झाले भने, ‘अहिले चुनावमा धेरै नेताहरु भोट माग्न आइरहेका छन् । उनिहरु पटकपटक पदमा हुदा के के गरे ? म पहिलो पटक चुनाव लड्दै छु ? तपाइले त्यसको मूल्याङ्कन गरेर मात्र आफनो अमूल्य मत दिनुहोला ।’
तपाईको प्रतिक्रिया