जनकपुरधाम, मङ्सिर ३ गते । धनुषाको महेन्द्रनगरस्थित सञ्चालनमा रहेको एभरेष्ट पेपर मिलमा एक कामदारको किचेर मृत्यू भएको छ ।
धनुषाको क्षिरेश्वरनाथ नगरपालिका वडा नम्बर ५ महेन्द्रनगर स्थित रहेको एभरेष्ट पेपर मिलको भुसा ओसार्ने वेल्टमा बेरिएर एक मजदुरको मृत्यूु भएको हो ।
क्षिरेश्वरनाथ नगरपालिका वडा नम्बर ९ औरहा स्थायी बासिन्दा तथा हाल वडा नम्बर ५ सिन्धुलीटोल बस्ने गौरी प्रसाद श्रेष्ठको छोरा अन्दाजी वर्ष ३७ को मनोज श्रेष्ठ को मृत्यू भएको हो ।
शनिवार बिहान करिब ९ बजे भुसा ओसारने क्रममा वेल्टमा फँसेर उनको ज्यान गएको प्रत्यदर्शीहरुलाई उदृत गर्दै ईलाका प्रहरी कार्यालय महेन्द्रनगरले जनाएको छ।
घटना स्थलमा इलाका प्रहरी कार्यालय महेन्द्रनगरको टोलीले मुचुल्का उठाइ आवश्यक अनुसन्धान गरिरहेको प्रहरी निरिक्षक बेचन यादवले बताए ।
यता, मृतक श्रेष्ठका परिवारजनले उचित राहतसहित एक जनालाई जागिर दिनुपर्ने माग राख्दै मिलको गेटमा धर्नामा बसेका छन् । पेपर मिलको व्यवस्थापन समिति र परिवारजनबीच छलफल जारी रहेको छ ।
तपाईको प्रतिक्रिया