जनकपुरधमा, फागुन २० गते । स्थानीय प्रशासनले धनुषा जिल्लाको शहरी क्षेत्रमा रातिको समयमा डिजे (लाउडस्पिकर) बजाउन रोक लगाएको छ ।
जिल्ला प्रशासन कार्यालय धनुषाले एक सूचना जारी गर्दै यस्तो निर्णय गरिएको जनाएको हो ।
जिल्ला प्रशासन कार्यालयले एक ध्वनी प्रदुषणको प्रभावलाई न्यूनीकरण गर्न राति १० बजेपछि डिजे, माईक तथा ध्वनी उत्पन्न गर्ने सामग्री सञ्चालन गर्न रोक लगाएको जनाइएको छ ।
धनुषाका प्रमुख जिल्ला अधिकारी काशीराज दहालले रातिबाहेकको समयमा पनि ठूलो स्वर र अश्लील गीत बजाउने जस्ता गतिविधि नगर्न अनुरोध गरेका छन् ।
सूचनाको कसैबाट उल्लंघन भएमा प्रचलित कानून बमोजिम तत्कालै कारवाही गर्ने समेत प्रशासनले चेतावनी दिएको छ । यो निमयमको सबै स्थानीय तहबाट समेत परिपालना गर्ने व्यवस्था मिलाउन सूचनामा भनिएको छ ।
जिल्लाको शहरी क्षेत्र एवं ग्रामीण क्षेत्रमा विवाह, वर्तबन्ध, धार्मिक कार्य लगायतको अन्य समारोह÷कार्यक्रमको आयोजना गर्दा ठुलो स्वरमा ध्वनीयन्त्र बजाउँदा ध्वनी प्रदुषण भई सर्वसाधारणको जनजिविका र स्वास्थ्यमा प्रतिकुल प्रभाव पर्न गएकोले ध्वनी प्रदुषणको प्रभावलाई न्यूनीकरण गर्न ध्वनी सम्बन्धी यन्त्रहरु (डि.जे., माईक तथा ध्वनी उत्पन्न गर्ने सामग्री) सञ्चालन नगर्न र सञ्चालन अवधिमा पनि अश्लिल गीत नबजाउन सर्वसाधारणसँग अनुरोध गरिएको छ ।
तपाईको प्रतिक्रिया