जनकपुरधाम, चैत १६ गते । नेपाल प्रेस युनियन धनुषा शाखाले लोकतान्त्रिक आन्दोलनका योद्वा प्रजातन्त्र सेनानी स्व. मथुरा प्रसाद उपाध्यायको स्मृतीमा पत्रकारिता पुरस्कारको घोषणा गरेको छ ।
युनियन धनुषाले स्व. उपाध्यायको २६ औं पुण्यतिथीको अवसरमा बिहीबार जनकपुरधाममा आयोजित एक समारोहमा पाँच लाख राशीको अक्षयकोष स्थापना गरि स्व. मथुरा प्रसाद उपाध्याय पत्रकारिता पुरस्कारको घोषणा गरिएको हो ।
समारोहमा स्व. उपाध्यायका सुपुत्र तथा नेपाल प्रेस युनियनका संघिय पार्षद प्रफुल्लराज घिमिरेले स्व. पिताको नाममा पत्रकारिता पुरस्कारको घोषणा गरेका हुन् । पुरस्कार भने प्रेस युनियनले प्रदान गर्ने जनाएका छन् ।
समारोहमा जनकपुरधामका मेयर मनोज कुमार साहले प्रेस युनियनको वृत्तिविकासका लागि आफु हरसम्भव प्रयास गर्ने भन्दै स्थापित पुरस्कार कोषमा पनि संस्थागत वा व्यक्तिगत सहयोग गर्ने बताए ।
कार्यक्रममा नेपाल प्रेस युनियनका केन्द्रिय उपाध्यक्ष अनिल कुमार कर्ण र प्रेस स्वतन्त्रता सेनानी राम भरत साहले स्व. उपाध्यायलाई स्मरण गर्दै नेताहरुले योगदान दिएकालाई विर्सिदा कांग्रेस कमजोर भएको र गठबन्धनको साहारा लिन परेको बताए ।
प्रेस युनियनका अध्यक्ष राजन सिंहको अध्यक्षतामा आयोजित कार्यक्रममा नेपाल पत्रकार महासंघका पुर्व केन्द्रिय सदस्य शैलेन्द्र झा, प्रेस युनियन मधेशका उपाध्यक्ष धिरेन्द्र साह र कांग्रेसका युवा नेता प्रवेश चौधरीले स्व. उपाध्यायलाई स्मरण गर्दै श्रद्धाञ्जली अर्पण गरेका थिए ।
युनियनका धनुषा जिल्ला अध्यक्ष सिंहले गत स्थानिय तहको निर्वाचनमा कांग्रेसले योग्य व्यक्तिलाई पाखा लगाउन खोज्दा प्रेस युनियन धनुषा पार्टीको पनि नसुनेर लोकतन्त्रका लागि बगावत गरेको भन्दै नेतृत्वमा पुग्नेहरु युनियनलाई विर्सन नहुने बताए ।
तपाईको प्रतिक्रिया