जनकपुरधाम, चैत २७ गते । मधेश प्रदेशका भूमि ब्यवस्था, कृषि तथा सहकारीमन्त्री ईन्जिनियर बसन्त कुशवाहाले ठूला परियोजनाका बजेट विनियोजनका लागी संघीय मन्त्रालय तथा सरोकारवालासँग छलफल गरेका छन् ।
मन्त्री कुशवाहाको विशेष पहलमा बसेको बैठकमा आर्थिक वर्ष २०८०\८१ मा मधेशमा कृषिका ठुला परियोजना तथा कार्यक्रमका लागी बजेट विनियोजन बारे संघीय मन्त्राल तथा सरोकारवालासँग छलफल गरिएको हो ।
उक्त बैठकमा मन्त्रीले देशलाई कृषिमा आत्मनिर्भर बनाउन दीर्घकालीन लक्ष्यका साथ संघ, प्रदेश र स्थानीय सरकारसँग समन्वय गरेर आगामी योजना परिचालन गरिने योजना बारे छलफल भएको बताएका छन् । तीनै तहका सरकारसँग समन्वय जाने बताएका छन् ।
आगामाी बजेटमा प्रदेशको हरेक वडामा थप जैविक मलखाद उद्योग स्थापना, हरेक पालिका (१३६) मा साना कृषि बजार ब्यवस्थापन, हरेक निर्वाचन क्षेत्र (३२) मा ठुला कृषि बजार ब्यवस्थापन, हरेक निर्वाचन क्षेत्रमा ५०० टन माथीको कोल्ड स्टोर र कृषि औजार कस्टम हायरिंग सेन्टर निर्माण गर्ने, प्रदेशको आठ वटै जिल्लामा कृषि पर्यटनका लागी पूर्वधार विकास निर्माण गर्ने, प्रदेशका सम्पूर्ण जिल्लामा घुम्ती माटो परीक्षण ल्याब र घुम्ती भेट एम्बुलेन्स सञ्चालन गर्ने, किसान कार्ड तथा किसान पेन्सनको ब्यवस्थापन, सुलभ तथा सहुलियत ऋणको ब्यवस्थापन, बालीनाली तथा पशु पंछीको बीमा, कृषि विद्युतीकरण, सिचाँई तथा निःशुल्क कृषि मिटर, खेती प्रणालीलाई सेटेलाईट तथा डिजिटल ईमिजिनेशन प्रणालीसँग जोड्ने, प्रदेशका कृषि उत्पादनका लागी काठमाडौं उपत्यकाभित्र बजार क्षेत्र निर्माण गरिनेलगायतका योजना बारे छलफल भएको मन्त्री कुशवाहाले जानकारी दिए ।
आइतबार बसेको उक्त बैठकमा राष्ट्रिय योजना आयोगका सदस्य डा. जयकान्त राउत, कृषि तथा अर्थ मन्त्रालयका सम्बन्धित प्रमुख पदाधिकारीलगायतको उपस्थिति थियो ।
तपाईको प्रतिक्रिया