मधेश प्रदेश सरकारको नेतृत्वमा लोसपा पनि दावेदार

काठमाडौं, चैत २९ गते । महन्थ ठाकुर नेतृत्वको लोकतान्त्रिक समाजवादी पार्टी नेपाल (लोसपा)ले पनि मधेश प्रदेश सरकारमा दाबी गरेको छ ।
सत्तारुढ नयाँ गठबन्धन अनुसार मधेसमा आफ्नो पार्टीले पनि नेतृत्व पाउनुपर्ने लोसपाले दाबी गरेको हो । केन्द्रमा आलोपालो सरकारको नेतृत्व गर्ने सहमति भएजसरी नै मधेस प्रदेशमा पनि आलोपालो हुनुपर्ने दाबी लोसपाको छ ।

हाल मधेशमा जनता समाजवादी पार्टी नेपालको नेतृत्वमा सरकार रहेको छ । जसपालाई तत्कालीन अवस्थामा एमाले–माओवादी गठबन्धनले सघाएर सरकार बाएको हो । जसअनुसार जसपापछि जनमत पार्टीले सरकारको नेतृत्व गर्ने सहमति भएको थियो । तर अहिले गठबन्धन फेरिएको छ ।

काँग्रेस र लोसपाको गठबन्धनमा इन्ट्री भएको छ । यहीबीचमा कांग्रेससँगै लोसपाले पनि नेतृत्वमा दाबी गरेको हो ।
वैशाख १० गतेको उपनिर्वाचन सकेपछि मधेश प्रदेशलगायत अन्य प्रदेशहरुमा केन्द्रमा रहेको गठबन्धन अनुसार सरकार निर्माण गर्ने कार्य सुरु हुने बताइएको छ । लोसपाको मधेस प्रदेशसभा नौ जना सांसद छन् ।