जनकपुरधाम, जेठ ८ गते । नेपाल कम्युनिष्ट पार्टी (एमाले) का केन्द्रिय सचिव तथा मधेश प्रदेशका इन्चार्ज रघुवीर महासेठले नेपालमा गणतन्त्र आएपछि विकाससँगै विनाश पनि भएको बताउनुभयो ।
जनकपुरधाममा शनिबार आयोजित प्रगतिशील वन प्राविधिक संघ नेपालको प्रथम प्रदेश अधिवेशनको उद्घाटन समारोहलाई सम्बोधन गर्नुहुँदै एमालेका केन्द्रिय सचिव महासेठले गणतन्त्रपछिको सरकारले भौतिक, शिक्षा, प्राविधिक लगायतका क्षेत्रमा फड्को मार्नुको साथै वन फडाँनीमा पनि फड्को मारेको बताउनुभएको हो । उहाँले वल्र्ड बैंकले नेपाललाई चेतावनी दिइसकेपछि नेपालमा वृक्षारोपण सुरु गरिको समेत स्मरण गराउँनुहुँदै प्रगतिशील वन प्राविधिक संघ एमालेका अन्य संगठनभन्दा कमजोर नरहेको दावी गर्नुभयो । संगठनप्रति गम्भिर रहेको विश्वास दिलाउनुहुँदै पार्टीका प्रतिनिधि सभा तथा प्रदेशसभा सदस्यहरुलगायत आफूले पनि संगठनलाई सधैव सकारात्मक रुपमा लिने उल्लेख गर्नुभयो ।
गरे असम्भव केही नहुँने भन्दै २०७४ दुई सिट जितेको एमाले अहिले २० सिट जित्न सफल भएको उदाहरण दिँदै गरेपछि सम्भव जे पनि हुन्छ भन्नुभयो । महासेठले संघठनको उद्देश्य कुनै पार्टीको पक्ष पोषणको लागि नभएर देश र जनतालाई सघाउने उद्देश्य लिएर अगाडी बढ्न प्रेरित समेत गर्नुभयो ।
यस्तै मन्तव्यकै क्रममा उहाँले मदन भण्डारी राजमार्गले चुरे तहसनसह नभएको कुरालाई सरकारले विशेष ध्यान दिनुपर्ने बताउनुभयो । उहाँले वनलाई हामीले जोगाएर नराखेका कारण चुरे तहसनहस भएको उल्लेख गर्दै आगामी आर्थिक वर्षको नीति तथा कार्यक्रममा चुरे संरक्षण सम्बन्धी विषय नसमेटिएको हुनाले धनुषा क्षेत्र नं.३ की प्रतिनिधि सभा सदस्यलाई चुरे संरक्षण सम्बन्धी कार्यक्रम राख्न संसोधनका लागि प्रस्ताव पेश गर्न सुझाव दिएको जानकारी दिनुभयो ।
प्रगतिशील वन प्राविधिक संघ नेपालको मधेश प्रदेश अध्यक्षमा उज्वल यादव निर्विरोध निर्वाचित
मधेश प्रदेश प्रगतिशील वन प्राविधिक संघ नेपालको प्रथम अधिवेशनबाट निर्विरोघ अध्यक्षमा उज्वल यादव निर्वाचित हुनुभएको छ ।
यस्तै उपाध्यक्षमा सुवाश कुहवाहा र पिंकी मेहता, सचिवमा आभास प्रधान, उपसचिवमा प्रािलन चौधरी र नितेश कुमार दास हुनुहुन्छ भने काषाध्यक्षमा बलराम यादव हुनुहुन्छ ।
यस्तै, खुल्ला सदस्यमा अलताफ आलम, प्रशान्त कुमार कर्ण, सरोज यादव, रामचन्द्र यादव हुनुहुन्छ भने महिला सदस्यमा नीति महतो र काजल यादव रहेका छन् । क्याम्पस सदस्यमा सुरज साह, अमितकुमार साह, जिल्ला सदस्यमा शैलेन्द्र यादव र सबिन भण्डारी, मधेशी सदस्यमा संयोगकुमार साह र नितेशकुमार चौधरी रहेका छन् ।
आदिवासी जनजाति सदस्य नभएकोले खुल्लामा कायम गरिएको संघले जनाएको छ ।
तपाईको प्रतिक्रिया