धनौजीमा जेष्ठ नागरिकलाई सम्मान स्वरुप छाता र गम्छा प्रदान

जनकपुरधाम, असार २८ गते । धनौजी गाउँपालिकाले ८० वर्ष कटेका वृद्ध वृद्धालाई सम्मान स्वरुप छाता र गम्छा प्रदान गरेको छ ।
बिहिबार धनुषा जिल्लाको धनौजी गाउँपालिकास्थित वडा नं. ३ मा गाउँपालिकाद्वारा आयोजित पालिकास्तरिय जेष्ठ नागरिक सम्मान कार्यक्रममा गाउँपालिका अध्यक्ष रजकुमार साहले पालिकाको पाँच वटै वडाका ८० वर्ष कटेका २५० वृद्ध वृद्धालाई सम्मान स्वरुप छाता र गम्छा प्रदान गर्नु भएको हो ।
उक्त सम्मान कार्यक्रमलाई सम्बोधन गर्नुहुँदै गाउँपालिका अध्यक्ष राजकुमार साहले विगतमा पनि धनौजी गाउँपालिकाले जेष्ठ नगरिकको सम्म्मनलाई पहिलो प्राथमिकतामा राख्दै काम गर्दै आएकोले आगामी दिनमा पनि यस्ता कार्यक्रमलाई बढावा दिने बताउनुभायो । उहाँले यस आर्थिक वर्षमा सम्मान गर्न नसकेकाहरुलाई निराश नहुन आग्रह गर्नुहुँदै बाँकी रहेका जेष्ठ नागरिकलाई आगामी आर्थिक वर्षमा सम्मान गरिने बताउनुभयो ।
जेष्ठ नागरिकलाई सम्मान गर्दै धनौजी गाउँपालिकाले जेष्ठ नागरिकले पाउँदै गरेको सामाजिक सुरक्षा भत्त पनि सहज रुपमा उपलब्ध गराइरहेको जानकारी दिनुभयो ।
सम्मान कार्यक्रमको अवसरमा उपस्थित सम्पूर्ण जेष्ठ नागरिकलाई निःशुल्क रुपमा आयुर्वेद औषधि समेत वितरण गरिएको छ ।
सम्मान कार्यक्रममा उत्साहजनक उपस्थितिम देखिएको जेष्ठ नागरिकहरु गर्मी र वर्षाको मौसममा छाता र गम्छा पाउँदा हर्षित देखिएका छन् ।
गाउँपालिका वडा नं. ३ का अध्यक्ष रामनारायण यादवको अध्यक्षताम संचालित उक्त कार्यक्रममा चार वटै वडाका अध्यक्ष, वडा सदस्यलगायतको उपस्थिति रहेको थियो ।