जनकपुरधाम साउन २२ गते । प्राविधिक शिक्षकको स्थायी दरबन्दी मिलाउन शिक्षा, विज्ञान तथा प्रविधिमन्त्री अशोककुमार राईलाई ध्यानाकर्षण पत्र बुझाइएको छ ।
हालै मन्त्रीपरिषद्ले संघीय शिक्षा ऐनको विधयेक पास गर्दा प्रधाविधिक धारका शिक्षकहरुको विषयमा कुनै चाँसो नदेखिएको भन्दै प्राविधिक शिक्षक एसोसिएन नेपालले शिक्षा, विज्ञान तथा प्रविधिमन्त्री राई समक्ष आइतबार ज्ञापनपत्र बुझाएको हो ।
ज्ञापनपत्र बुझ्दै शिक्षा मन्त्रीले सरकारले ल्याउने भनिएको सङ्घीय शिक्षा ऐनमा छुटेको प्राविधिक धार (९–१२) का प्रशिक्षक, सहायक प्रशिक्षक र विज्ञान शिक्षक तर्फका (Physics, Chemistry)का शिक्षकहरुलाई दरबन्दीको व्यवस्था गरी स्थायी प्रकृयामा लाग्न शिक्षा सचिवलाई आवश्यक प्रकृया अगाडी बढाउन निर्देशन दिनुभयो ।
प्राविधिक शिक्षा सञ्चालनमा आएको १० वर्ष बढी हुँदा पनि सरकार पक्षबाट कुनै सहुलियत नभएको गुनासो गर्दै टिटिएले उक्त ध्याानाकर्षण पत्र बुझाएको छ ।
उक्त ज्ञापनपत्र बुझाउने क्रममा प्राविधिक शिक्षक एसोसिएसनका केन्द्रिय अध्यक्ष ईन्जिनियर केदार दाहाल, मधेश प्रदेशका अध्यक्ष रामप्रकाश अधिकारीलगायत अन्य प्राविधिक प्रशिक्षकहरुको उपस्थिति रहेको थियो ।
तपाईको प्रतिक्रिया