जनकपुरधामको राजदेवी मन्दिरमा विभिन्न कार्यक्रमको आयोजनासहित विजया दशमी

जनकपुरधाम, असोज १७ गते । जनकपुरधामको शक्तिपीठ राजदेवी मन्दिरमा विभिन्न कार्यक्रमको आयोजनासहित विजया दशमी भव्यताका साथ मनाउने तयारी भएको छ ।
जनकपुरधामको राजदेवी मन्दिरमा विजया दशमीको पूजा व्यवस्थापनको सम्पूर्ण जिम्मेवारी सम्हाल्दै आएको महावीर युवा कमिटीले बुधबार पत्रकार सम्मेलनको आयोजना गर्दै विजया दशमी २०८१ को अवसरमा राजदेवी मन्दिरमा विशेष पूजा, रमाइलो मेला लगायतका कार्यक्रमको आयोजना गर्दै दशैं भव्यताका साथ मनाउने तयारी भएको जनाएको हो ।
कमिटीका अध्यक्ष अजयकुमार गुप्ताका अनुसार पर्यटक लक्षित राजदेवी मन्दिरको पूजालाई विशेष ध्यान दिएको छ । जसमा सुरक्षाका दृष्टिकोणले विभिन्न स्थानमा सिसिटिभी क्यामेरा जडान गरि निगरानी राखिने छ भने पर्यटक मनोरञजनका लागि रमाइलो मेला, बालबालकाका लागि खेलका सामग्रीहरु समेतको अयोजना गरिएको छ ।
यस्तै दशैंभरी अयोजना हुने कार्यक्रमलाई सुरक्षित र व्यवस्थित बनाउन विभिन्न १३ वटा उपसमिति विभाजनक गरिएको छ, जसले पूजा व्यवस्थापनलाई थप व्यवस्थित बनाउन मदत पुने छ । ती समतिहरुले विभाजित कार्यहरु गर्ने उहाँले जानकारी दिनुभयो । समितिहरु क्रमसः मूलपूजा व्यवस्थापन समिति, कालरात्री पूजा, सुरक्षा, प्रसाद र महाप्रसाद, खोइँच भराई, भव्य सिंगार, लाइन व्यवस्थापन, लंका दहन र रावनबध, खाना व्यवस्थापन, विजय जुलुस, रमाइलो मेला, विज्ञापन, मन्दिर परिसर स्वच्छता र सरसफाइलगायतको समिति बनाइएको छ, जसले मनिदर पूजालाई थप व्यवस्थित बनाउना मदत पुग्ने छ ।
यस्तै नेपाल सरकारको पंचाङ्ग अनुसार विभिन्न पूजाको आयोजना गरिएको छ । असोज १७ गते विहीबार घटस्थापनादेखि दशमीसम्मका कार्यक्रम पञ्चांग अनुसार नै तय गरिएको छ । २२ गते पञ्चमी भैरव यात्र, २४ गते फुपाती बेलतोरी, सप्तमीको दिन साँझ ६ बजे माता राजदेवीको भव्य श्रृंगार गरिनेछ भने अष्टमी र नवमी एकैदिन परेका कारण अष्टमी साँझ ७ बजेदेखि बोका बली प्रदान कार्यक्रम आयोजना गरिने छ । २६ गते दशमी दिनको विहान ११ः ३० बजेदेखि सुरुहुने छ भने सोही दिन दिउँसो ३ बजे विजयी जुलुस, साँझ साढे ७ बजे रावणवध, कन्या भोजन र प्रसाद वितरण कार्यक्रम रहेको छ ।
यसैगरी राजदेवी मन्दिरमा चढाइने बोका बलीको रसिदको रकम परिमार्जित गरेर ३ सय रुपियाँ कायम गरिएको छ भने विगत दश वर्ष देखि बोका बली रसिदवापत दुई सय रुपियाँ लिने गरिएको थियो । कमिटीले निरन्तर ३४ वर्षदेखि मन्दिर परिसरमा सेवा गर्दै आएको छ ।
बोकाबली पश्चातको रगत व्यवस्थापनका लागि जनकपुरधाम उपमहानगरपालिकाले १७ हजार बोराको व्यवस्था गरेको छ ।
मन्दिरको पूजालाई विगतका वर्षभन्दा उत्कृष्ट बनाउन व्यवस्थापनसहितको तयारी भइरहेको कमिटीले जनाएको छ भने दशमीका दिन निकालिने जुलुसमा विभिन्न प्रकारका झाँकीसहितको र्यालीको सहभागीता रहने कमिटीले जनाएको छ ।