एमालेको धनुषा ३का उम्मेदवार जुलीकुमारी महतो घरदैलो अभियान अन्तर्गत मतदाताको घर घर पुग्ने क्रमलाई तीव्रता दिएकी छन् ।
धनुषा ३बाट एमालेको प्रतिनिधिसभा उम्मेदवार जुलीले घर घरमै पुगेर मतदाताको समस्या सुन्दै आईरहेकी छन् ।
घरदैलोको क्रममा उनले एमालेको समृद्ध नेपालको परिकल्पना साकार बनाउनकालागि आफ्नो पक्षमा मतदान गर्न आग्रह समेत गरिरहेकी छन् । घरदैलोको क्रममा धनौजी गाउँपालिका वडा नम्बर २ गोरदाहा पुगेर उनले आफ्नो पक्षमा मतदान गर्न आग्रह गरेकी हुन् । घरदैलोको क्रममा उम्मेदवार जुलीलाई त्यहाँका मतदाताहरुले स्वागत समेत गरेका थिए ।
प्रतिनिधीसभा सदस्यका उम्मेदवार जुलीले आफु जनतासंगै रहेकाले यसपालि जनताले मौका दिने विश्वास व्यक्त गरिन् । एमालेलाई मधेसविरोधी दलको रुपमा चित्रण गरिदै आएकोमा उनले एमाले नेतृत्वकै सरकारले मधेसमा विभिन्न विकास निर्माणका कार्यहरु गरेको स्मरण समेत गराइन् । जुलीले एमाले पूरै देशको विकासका लागि कटिवद्ध दल रहेकाले एमालेको पक्षमा प्रतयक्ष तथा समानुपातिक दूबैमा मतदान गर्न मतदाताहरुलाई आग्रह गरिन् ।
तपाईको प्रतिक्रिया