जनकपुरधामलाई धार्मिक पर्यटकीय स्थल, औद्योगिकीकरण तथा भौतिक पूर्वाधार विकासको क्षेत्रमा अधुरो रहेको कार्यलाई पूरा गर्नकालागि धनुषा ३का मतदाताहरुले आफूमाथि विश्वास गर्ने उम्मेदवार जुलीकुमारी महतोले दावी गरेकी छन् ।
जनकपुरधाम उपमहानगरपालिका वडा नम्बर ८मा घरदैलोको क्रममा एमालेको धनुषा ३का उम्मेदवार महतोले आफू प्रतिनिधिसभा सदस्य रहेको समयमा अगाडि बढाएका अधुरा कार्यहरु पूरा गर्नकैलागि यहाँका मतदाताहरु आफूमाथि विश्वास गर्ने बताइन् । एमाले नेतृत्वको सरकारले आफ्नो नीति तथा कार्यक्रममा जनकपुरधामलाई वैवाहिक गन्तव्य स्थलको रुपमा विकास गर्ने विषय आफ्नै पहलमा राखिएको दावी गर्दै महतोले जनकपुरधामलाई औद्योगिक क्षेत्र तथा यहाँका भौतिक पूर्वाधार विकासका लागि आफू दत्तचित रहँदै आएको र रहि रह्ने बताइन् । वर्षौँदेखि जनकपुरधाम नगर भित्रै बन्न नसकेका सडक तथा पुलहरु आफ्नो पहलमा पछिल्लो समय निर्माण गरिएको उनले दावी गरिन् ।
जनकपुरधामको विकासकालागि भिठामोड तथा जटही नाकाको विकास आवश्यक रहेको बताउँदै उनले यसकालागि आफूले पहल गर्दै आईरहेको र गरिरह्ने मतदाताहरु समक्ष प्रतिवद्धता व्यक्त गरिन् । मतदाताहरुले आफूलाई यी विषयमा पहल गर्दै आईरहेको देखेकाले धनुषा ३का मतदाता आफ्ना यी योजनाहरु पूरा गर्नका लागि सहयोग गर्ने विश्वास व्यक्त गरिन् ।
घरदैलोको क्रममा उम्मेदवार महतोले मतदाताहरुका समस्या समेत सुनेकी थिइन् । यसका साथै उनलाई मतदाताहरुले सोध्ने प्रश्नहरुको घरदैलोको क्रममा जवाफ समेत दिइन् ।
तपाईको प्रतिक्रिया