जनकपुरधाममा एका बिहानै फालिएको अवस्थामा एक नजवात शिशु (बच्चा) फेला परेको छ ।
जनकपुरधाम उपमहानगरपालिका वडा नं. ९ र वडा नं. १४ को बीचमा पीडारीचोकदेखि उत्तरतर्फ बच्चा फेला परेको हो । मुजेलिया र पीडारीचोकको बीचमा रहेको विश्वकर्मा मन्दिरको पश्चिम तर्फ बच्चा फालिएको अवस्थामा भेटिएको हो ।
वडा प्रहरी कार्यालय मुजेलियाका अनुसार, बच्चा तत्कालै फालिएको अवस्थामा भेटिएको हो । बच्चाको हातखुट्टा कुकुरले खाएको अवस्थामा सडकबाट आवतजावत गर्ने स्थानीयले देखेपछि प्रहरीलाई फोन गरेको थियो । नाभी लागेकै अवस्थामा बच्चा भेटाएपछि बच्चा कसैले फालेर भागेको हुन सक्ने अनुमान जिल्ला प्रहरीको छ । छोरा रहेको ती बच्चालाई कसले र किन फालिएको हो भनेर अनुसन्धान सुरु गरिएको बताईएको छ ।
यता, स्थानीयहरुले भने अवैद्य सम्बन्ध बच्चा जन्मिएपछि फालिएको हुन सक्ने अनुमान गरिएको छ । अहिले प्रहरीले बच्चाको मुचुल्का उठाएर पोष्टमार्टमको लागि जनकपुर प्रादेशिक अस्पतालमा पठाउने जनाएको छ ।
source: enewsbureau.com
तपाईको प्रतिक्रिया