काठमाडौं । भक्तपुर नगरपालिकाको प्रमुख पदमा नेपाल मजदुर किसान पार्टीका सुनिल प्रजापति निर्वाचित भएका छन् । जिल्ला निर्वाचन कार्यालयका सूचना अधिकारी भीमबहादुर बीसीमा अनुसार प्रजापतिले २९ हजार दुई सय ५२ मत प्राप्त गरी निर्वाचित भएका हुन् ।
प्रमुखमा नेपाली कांग्रेसका रामप्रसाद कालुलाले ३४ सय सात, नेकपा (एमाले) का रविन्द्र लाछिमस्युले २८ सय ४१, नेकपा (माओवादी केन्द्र) तुल्सीभक्त सुवालले ७६१ मत प्राप्त गरेका हुन् । राष्ट्रिय प्रजातन्त्र पार्टीका बद्री लाखाजुले एक हजार ८१ मत प्राप्त गरे ।
निर्वाचन अधिकृतको कार्यालय अनुसार भक्तपुर नगरपालिका उपप्रमुखमा नेमकिपाकै रजनी जोशी २९ हजार सात सय ५९ मतसहित निर्वाचित भएकी छिन् ।
उपप्रमुखमा एमालेका रञ्जना खर्बुजाको २९ सय ८८, एकीकृत समाजवादीका ओमचरण अमात्यको १७ सय ७८, माओवादी केन्द्रको यन्द्रमाया सुवालको ९४९ मत परेको छ । राप्रपाका लक्ष्मी छुस्याबागले भने १२ सय ५७ मत प्राप्त गरेकी छिन् ।
तपाईको प्रतिक्रिया