रौतहट । रौतहटको गौर नगरपालिका प्रमुखमा नेकपा (एकीकृत समाजवादी)का उम्मेदवार शम्भु साह विजयी भएका छन् ।
गौर नगरपालिकाको मतगणना परिणाम अनुसार नेकपा एसका उम्मेदवार साहले छ हजार ३८१ मत प्राप्त गरी विजयी भएका हुन् ।
उनको निकटतम प्रतिद्वन्द्वी लोकतान्त्रिक समाजवादी पार्टीका उम्मेदवार अजयकुमार गुप्ताले तीन हजार ७५५ मत प्राप्त गरेका छन् ।
यसैगरी, गौर नगरपालिकाको उपप्रमुखमा नेकपा एसकै शैलकुमारी देवीले निर्वाचित भएकी छन् । उनी चार हजार ८०९ मत प्राप्त गरी विजयी भएकी हुन् । उपप्रमुखका नकटतम प्रतिद्वन्द्वी नेपाली काँग्रेसका शाहजाहा खातुनले तीन हजार ६८५ मत प्राप्त गरेकी हुन् ।
त्यस्तै, रौतहटको राजदेवी नगरपालिकामा नेकपा (एकीकृत समाजवादी)का भिखारी यादवले सात हजार ५२ मत प्राप्त गरी निर्वाचित भएका छन् भने उनका निकटतम प्रतिद्वन्द्वी काँग्रेसका धिरेन्द्र सिंहले तीन हजार ७०७ मत प्राप्त गरेका छन् ।
उपप्रमुखमा नेकपा (एकीकृत समाजवादी)का राजकुमारी देवीले ५ हजार ८४२ मत प्राप्त गरी विजयी भएका छन् भने उनका निकटतम प्रतिद्वन्द्वी काँग्रेसका अर्चना कुमारी यादवले तीन हजार १४९ मत प्राप्त गरेकी छन् । राजदेवी निर्वाचन अधिकृतको कार्यालयले जनाएको छ ।
तपाईको प्रतिक्रिया