जनकपुरधाम । लोकतान्त्रिक समाजवादी पार्टी नेपालकी मधेश प्रदेश सभा सदस्य रानी शर्मा तिवारीले भुक्तानी सम्बन्धि समस्यालाई जरादेखि नै समाधान गर्नुेपर्ने बताइन् ।
शनिबार बसेको नवौं महाधिवेशनको १७ औं बैठकमा बोल्दै प्रदेश सांसद तिवारीले समयमा कार्यक्रम सञ्चालन नहुँदा आउने समस्यालाई जरादेखि समाधान गर्नुपर्ने बताइन् । उनले समस्या आएपछि मात्र समाधान तर्फ लाग्नुभन्दा समस्या आउन नदिनु नै उचित हुन्छ भनिन् । उनले बोक्सी पनि आफैं, झाँक्री पनि आफै जस्तो हाम्रो प्रदेशको अवस्था छ, समस्या हाउन दिने अनि समाधान तर्फ लागेर भन्ने कि ल मैले समाधान गरे, यो त बोक्सीलाई पल्काएर उपचार गरेजस्तो देखियो, समस्याको स्थायी समाधान खोज्नुपर्ने बताइन् ।
उनले चार वर्षदेखि प्रत्येक वर्ष यस्तै हुँन्छ भन्दै समयमा कार्य सम्पन्न हुँदैन भने भुक्तानी कसरी हुन्छ ? किन योजना ढिला सञ्चालन हुँन्छ ? मन्त्रालयको योजना सञ्चालन भइसक्दा पनि संसदीय विकास कोषको योजना सञ्चालन किन हुँदैन ? यस्ता प्रश्न गर्दै आज जुन समस्या लिएर यहाँ उपस्थिति भएका छौं त्यो समस्या आउन नै किन दियौं, त्यसतिर पनि ध्यान दिन आवश्यक रहेको बताइन् ।
प्रदेश सभाका आफ्नो विचार राख्दै प्रदेश सांसद शर्माले,‘कार्यक्रम सञ्चालन गर्नका निम्ति भौतिक पूर्वाधार कार्यालयमा पटक पटक धाउनुपर्दा पनि कर्मचारी भेटिदैनन्, यसबारे मुख्यमन्त्रीलाई जानकारी गराउँदा पनि कुनै सुनुवाई हुँदैन । भौतिक पूर्वाधार कार्यालयले आफ्नो कर्मचारीको समस्या देखाउँदै चिन्ता नगर्नुस् मान्यजू जेठमा कार्य सञ्चालन भएपनि असारसम्म भुक्तनी हुन्छ भनेर ठोकुवा गर्ने कर्मचारी कहाँ हुनुहुन्छ ल्याएर कारवाही समेत गर्नुपर्ने भनिन् ।
वर्ष बित्नै लाग्दा पनि योजना सञ्चालन भएको छैन भनेर प्रदेश सभामा प्रश्न पनि गरेको थिए सांसद शर्माले भनिन् तर, त्यो दिन जवाफ पाइन त्यसको परिणाम आज यो समस्या भोग्दै छौं । यदि त्यसको जवाफ खोजेको भए आज यो समस्या आउने थिएन होला, भनेर सांसद शर्माले आफ्ना भनाई राखिन् ।
सांसद शर्माले, मान्यज्यूहरुको बोलीलाई प्रदेश सरकारले बेवास्ता गर्दा समयमा कार्यक्रम सञ्चालन हुन सकेन त्यसको परिणाम आज उपभोक्तको भुक्तानी रोकिएको छ । उपभोक्ताका मारमा परेका छन् । त्यसको समाधान गर्नुपर्छ तर, यो समस्या आए मात्र आवाज उठाउने अरु बेला मौन बस्ने त्यस्तो गर्नुभन्दा पनि समस्या आउन नदिन के गर्नुपर्छ त्यस तर्फ लाग्नु पर्ने बताइन् ।,
तपाईको प्रतिक्रिया