काठमाण्डाै महानगरपालिकाले थापाथलीकाे बाग्मती नदी किनारमा रहेकाे सुकुम्वासी बस्ती हटाउन गृह मन्त्रालयसँग सहयाेग मागेकाे छ ।
महानगरले आज बिहीवार एक पत्र पठाउँदै थापाथलीकाे बाग्मती नदी किनारकाे सुकुम्वासी बस्ती हटाउन गृह मन्त्रालयसँग सहयाेग मागेकाे हाे । बाग्मती नदी किनारमा अनधिकृतरूपमा निर्माण भएका संरचना हटाउन पटक–पटक प्रयास गरेकाे र यस कार्यलाई अभियानकै रूपमा अगाडि बढाउनुपर्ने महानगरले पठाएकाे पत्रमा उल्लेख छ । मन्त्रालयमार्फत सम्बन्धित जिल्ला प्रशासन तथा सुरक्षा निकायलाई आवश्यक निर्देशन एवम् समन्वय गर्न महानगरले अनुराेध गरिएकाे छ ।
‘थापाथलीकाे बाग्मती नदी किनारकाे अव्यवस्थित/अनधिकृत संरचना हटाइ त्यस क्षेत्रकाे संरक्षण एवम् साैन्दर्यीकरण गर्ने काम तत्काल अगाडि बढाउन बाग्मती सभ्यता एकीकृत विकास परियाेजनाबाट पनि अनुराेध भइ आएकाे र त्याे क्षैत्र खाली गराउन महानगरले प्रयास अगाडि बढाएकाे भए पनि सफल हुन सकेकाे छैन’, पत्रमा उल्लेख छ ।
तपाईको प्रतिक्रिया